ટેલિવિઝનના સૌથી મોસ્ટ પૉપ્યુલર શો 'તારક મહેતા કા ઉલ્ટા ચશ્મા' ને 11 વર્ષ પૂરા થઇ ગયા છે.
11 વર્ષથી આ કોમેડી શો ઓડિયન્સના દિલમાં રાજ કરી રહ્યો છે. 28 જૂલાઇ 2008માં રોજ શરૂ થયેલા આ શોએ રવિવારે 11 વર્ષ પૂરા કર્યા. 11 વર્ષના પૂરા થયાના પ્રસંગે શોના એક્ટર્સે પોતાના સોશ્યલ મીડિયા પર ફોટોઝ અને વીડિયોઝ શૅર કરી રહ્યા છે.
શોની એક્ટર બબીતા એટલે કે મુનમુન દત્તાએ પોતાના સોશ્યલ મીડિયા એકાઉન્ટ પર ફોટો શૅર કર્યો છે જેમાં ટીમ તાજેતરમાં સિંગાપુરમાં શૂટિંગ કરવા પહોંચી હતી તેનો છે. આ ફોટો શૅર કરતા એક્ટ્રેસ લખ્યુ કે, ‘ટીમ #TMKOCને 11 વર્ષની શુભકામના.’ આ સિવાય સીરિયલમાં ટપ્પુનુ કેરેક્ટર પ્લે કરતા રાજ અનડકેટ પણ સોશ્યલ મીડિયા પર સેલિબ્રેશનનો વીડિયો શૅર કર્યો છે.
આ સિવાય શોના ફેન પેજ પર પણ કેટલાક ફોટોઝ અને વીડિયોઝ શૅર કર્યા છે જેમાં 11 વર્ષ પૂરુ થયાનુ ટીમ સેલિબ્રેશન કરી રહી છે. આ શો સ્વં. લેખક તારક મહેતાના પુસ્તક 'દુનિયાના ઉંધા ચશ્મા' પર આધારિત છે. જેઠાલાલથી લઇને અબ્દુલ સુધીના શોના દરેક પાત્ર એકબીજાથી અલગ છાપ ઉભી કરવામાં સફળ રહ્યુ છે. ગોલધામ સોસાયટીની આ વાર્તાએ દર્શકોના દિલમાં એક ખાસ જગ્યા બનાવી છે.
ઉલ્લેખનીય છે કે, 'તારક મહેતા કા ઉલ્ટા ચશ્મા' 2008માં શરૂ થયો હતો. સૌથી લાંબો ચાલનારા હિંદી શોની લિસ્ટમાં આ સીરિયલ બીજા સ્થાને છે. જોકે પહેલા સ્થાન પર 'યે રિશ્તા ક્યા કહેલાતા હૈ' છે જે 11 વર્ષી ટેલિવિઝન પર ચાલી રહ્યો છે.