હે મા માતાજી! / તારક મહેતાના સેટ પર 'ચંપક ચાચા' થયા ઘાયલ, શૂટિંગ દરમિયાન થઈ ઘટના, જાણો હવે કેવી છે તબિયત

• TMKOC સેટ પર ચંપક ચાચા થયા ઈજાગ્રસ્ત
• એક સીનમાં દોડતા સમયે ઈજા પહોચી હતી
• ડોકરોએ તેમને બેડરેસ્ટ કરવાનું સુચન કર્યું

તારક મહેતા કા ઉલ્ટા ચશ્મા એ ટીવીનો સૌથી મોટો અને હિટ શો છે. શોના દરેક પાત્રને ચાહકો તરફથી અપાર પ્રેમ મળે છે. પરંતુ હવે નવા અહેવાલોએ શોના ચાહકોને પરેશાન કરી દીધા છે. એવા અહેવાલો છે કે તારક મહેતા કા ઉલ્ટા ચશ્માના ચંપક ચાચા એટલે કે અમિત ભટ્ટ સેટ પર ઈજાગ્રસ્ત થયા છે. 

ચંપક ચાચાને ઈજા થઇ
મીડિયાના અહેવાલ મુજબ, તારક મહેતા કા ઉલ્ટા ચશ્મા શોના ચંપક ચાચાને ઈજા થતાં ડોક્ટરોએ સંપૂર્ણ બેડ રેસ્ટ કરવાનું કહ્યું છે. હાલમાં તે આ શોનું શૂટિંગ કરી રહ્યા નથી. 

શોના સૂત્રોના હવાલાથી અહેવાલમાં જણાવવામાં આવ્યું છે કે, અભિનેતા અમિત ભટ્ટને તારક મહેતા કા ઉલ્ટા ચશ્માના એક સીન માટે દોડવું પડ્યું હતું, પરંતુ દોડતી વખતે અભિનેતાએ પોતાનું સંતુલન ગુમાવ્યું હતું અને તે ભારે પડી ગયો હતો. પડવાના કારણે અભિનેતાને ઘણું કષ્ટ થયું છે. તેઓ શૂટિંગ પણ નથી કરી રહ્યા. ડોક્ટરે તેને આરામ કરવાની સલાહ આપી છે. 

આરામ પર છે ચાચા
શોના નિર્માતાઓએ અમિત ભટ્ટને પણ આરામ કરવાનું કહ્યું છે. સાથે બધા અભિનેતાઓ પણ ઈજાને લઈને ચિંતિત છે અને તેના ઝડપી સ્વસ્થ થવાની પ્રાર્થના કરી રહ્યા છે. શોની ટીમના સભ્યો ઈચ્છે છે કે અમિત જલ્દીથી સાજો થાય અને તે બધાની વચ્ચે સેટ પર પાછો આવે. 

આ શોને 14 વર્ષ પૂરા થયા
તારક મહેતા શોની વાત કરીએ તો આ ટીવી સૌથી લાંબો ચાલનાર શો બની ગયો છે. શો માટે ચાહકોનો ક્રેઝ સાતમા આસમાને છે. દર્શકો દરેક પાત્રને પૂરો પ્રેમ આપે છે. આ શોમાં અમિત ભટ્ટનું ચંપક ચાચાનું પાત્ર પણ ચાહકોનું ફેવરિટ છે. શોમાં ચંપક ચાચા અને જેઠાલાલની બોન્ડિંગ દરેકને પસંદ આવી છે. તારક મહેતા કા ઉલ્ટા ચશ્મા શોએ તાજેતરમાં 14 વર્ષની લાંબી સફર પૂર્ણ કરી છે. આ ખાસ અવસર પર સમગ્ર ટીમે કેક કાપીને ધામધૂમથી ઉજવણી કરી હતી.