શો તારક મહેતા કા ઉલ્ટા ચશ્મામાંથી ઘણા કલાકારો વિદાય લઈ ચુક્યા છે. એવામાં હાલ તેઓ શું કરે છે આવો જાણીએ....
તારક મહેતા છોડીને ગયા આ એક્ટર્સ
શો બાદ શું કરી રહ્યા છે આ સ્ટાર્સ?
જાણો તેમના વિશે
ટીવીના પોપ્યુલર શો 'તારક મહેતા કા ઉલ્ટા ચશ્મા' છેલ્લા 14 વર્ષોથી દર્શકોનું મનોરંજન કરતો આવે છે. આ શોમાં દરેક કેરેક્ટરની પોપ્યુલારિટી અલગ છે. પરંતુ શોમાંથી ઘણા સ્ટાર્સે અલવિદા કહી દીધુ છે અને બીજી ઈન્ડસ્ટ્રીમાં પોતાનો રસ્તો બનાવ્યો છે. જોકે શોને ક્વિટ કરનાર આ સ્ટાર્સની કિસ્મત ત્યાં ચમકી નથી શકી અને ન તો એ પ્રકારનું સ્ટાર્ડમ મળ્યું જે તમને તારક મહેતામાં મળ્યું હતું.
નેહા મહેતા
એક્ટ્રેસ નેહા મહેતા અંજલિ મહેતાનો રોલ પ્લે કરી રહી હતી. શોની શરૂઆતથી જ નેતા તેનો ભાગ હતી. શૈલેશ લોઢા સાથે તેમની પેરિંગ કરવામાં આવતી હતી. નેહા મહેતાએ શોના પ્રોડક્શન હાઉસ સાથે અણબનાવવા કારણે 2020માં ક્વિટ કર્યું. તેને સુનૈયના ફૌજદારે રિપ્લેસ કરી. નેહા શોની સાથે 12 વર્ષ સુધી જોડાયેલી રહી. હાલ નેહા ગુજરાતી ફિલ્મ ઈન્ડસ્ટ્રીમાં એક્ટીવ છે. નેહા મહેતાએ આ શો દ્વારા જ ઘરે ઘરે ઓળખ ઉભી કરી હતી.
ગુરૂચરણ સિંહ
ગુરૂચરણ સિંહ ઉર્ફ સોઢી પણ ઘણા વર્ષો સુધી શોનો ભાગ રહ્યો હતો. જોકે ગુરૂચરણની પ્રોડક્શન ટીમ સાથે અણબનાવ અને પિતાની તબિયત ખરાબ હોવાના કારણે તેણે શોને અલવિદા કહી દીધુ હતું. આજે ગુરૂચરણ સિંહ ઈન્ડસ્ટ્રીમાં એક્ટિવ નથી. તે પંજાબમાં રહીને પિતાની દેખરેખ કરી રહ્યા છે. ગુરૂચરણને બલવિંદર સિંહ સુરીએ રિપ્લેસ કર્યો છે.
મોનિકા ભદૌરિયા
મોનિકા ભદૌરિયા શોમાં બાવરીની ભૂમિકા નિભાવતી હતી. વર્ષ 2019માં મોનિકાએ શો ક્વિટ કર્યો. તે ઈન્ડસ્ટ્રીમાં બીજુ પણ કંઈક ક્રિએટિવ એક્સપ્લોર કરવા માંગતી હતી. શો છોડ્યા બાદ બે મહિના બાદ મોનિકાએ મીડિયામાં કન્ફર્મ કર્યું હતું. આજના સમયમાં મોનિકા ભદૌરિયા ટ્રાવેલિંગ એક્સ્પીરિયંસ લઈ રહી છે. સ્ટારડમનો ગ્રાફ તેમનો નીચે જતો જઈ રહ્યો છે.
નિધિ ભાનુશાલી
નિધિ ભાનુશાલીએ સોનૂ ભિડેની ભુમિકા લગભગ 6 વર્ષ સુધી નિભાવી. તેના પહેલા ઝીલ મહેતા આ ભૂમિકા નિભાવી રહી હતી. નિધિએ શોને વર્ષ 2019માં અલવિદા કહ્યું હતું. હાલ નિધિ ભાનુશાલી હાયર એજ્યુકેશન કરી રહી છે. ટ્રાવેલિંગમાં તેનો ખૂબ વધારે એક્સ્પીરિયન્સ છે. મુંબઈથી બીએ કરી રહી છે. નિધિ ભાનુશાલીને પલક સિધવાની રિપ્લેસ કરી ચુકી છે. જોકે શો બાદ નિધિની સોશિયલ મીડિયા ફેન ફોલોઈગમાં ખૂબ જ વધારો જોવા મળ્યો.
ઝીલ મહેતા
યંગ સોનુની ભૂમિકામાં જોવા મળેલી ઝીલ મહેતાએ તારક મહેતા અભ્યાસના કારણે છોડ્યું હતું. તેના માટે શો અને અભ્યાસ એક સાથે કરવું મુશ્કેલ થઈ રહ્યું હતું. સેટ પર ભવ્યા ગાંધી અને સમય શાહ, કુશ સાથે તેની સારી મિત્રતા હતા. વર્ષ 2012માં નિધિ ભાનુશાલીએ ઝીલ મહેતાને રિપ્લેસ કરી હતી. આજના સમયમાં ઝીલ મહેતા નાના-મોટા કોમર્શિયલ એડ્સમાં જોવા મળે છે. તે ઉપરાંત અમુક ઈવેન્ટ્સમાં પણ તે ભાગ લે છે.
ભવ્ય ગાંધી
એક્ટર ભવ્ય ગાંધીએ શોમાં ટપ્પુની ભુમિકા નિભાવી હતી. લગભગ 8 વર્ષ સુધી શો સાથે જોડાઈ રહ્યા બાદ ભવ્ય ગાંધીની ઓળખ ઘરે ઘરે થઈ. ફેન્સનો ખૂબ પ્રેમ પણ તેને મળ્યો. બાદમાં તેણે 19 વર્ષના રાજ અનદકટે રિપ્લેસ કર્યો. આજે ભવ્યા ગાંધી ઈવેન્ટ્સ અને ગુજરાતી ફિલ્મ ઈન્ડસ્ટ્રીમાં ખૂબ જ એક્ટિવ છે. પરંતુ તે પોપ્યુલારિટી ન મળી જે તારક મહેતા શોમાં તેને મળી હતી.
દિલકુશ
દિલકુશ રિપોર્ટરે તારક મહેતા કા ઉલ્ટા ચશ્માને વર્ષ 2013માં જોઈન કર્યું હતું. ત્રણ વર્ષના લાંબા સફર બાદ તેણે શોને અલવિદા કર્યું. શોબિઝ ઈન્ડસ્ટ્રીથી દિલકુશ વધારે ખુશ ન હતી. તે બ્રેક લેવા માંગતી હતી. અને પરિવાર પર ફોકસ કરવા પણ માંગતી હતી. આજે તે સંપૂર્ણ પણે ફેમિલી પર ધ્યાન આપી રહી છે.
શૈલેશ લોઢા
શૈલેશ લોઢા શોનો ભાગ 14 વર્ષ સુધી રહ્યા. બાદમાં પ્રોડક્શન હાઉસ સાથે અણબનાવને લઈને ચર્ચામાં રહ્યા. અચાનક જ શૈલેશે શોને અલવિદા કહી દીધુ અને કવિ સન્મેલનની શરૂઆત કરી. વાહ ભાઈ વાહમાં શૈલેશ લોઢા આજકાલ જોવા મળી રહ્યા છે. પરંતુ તેને એવી પોપ્યુલારિટી નથી મળી રહી. જેટલી શોમાં મળી રહી હતી. સોશિયલ મીડિયા પર શૈલેશ ખૂબ જ એક્ટિવ રહે છે અને ફેન્સનું દર વખતે મનોરંજન કરે છે.