ટેલિવિઝન જગતનો સૌથી પોપ્યુલર શો તારક મહેતા કા ઉલ્ટા ચશ્મા 12 વર્ષોથી દર્શકોના દિલ પર રાજ કરી રહ્યો છે. આ શોની સૌથી ખાસ વાત એ છે કે, શોના દરેક પાત્રની જબરદસ્ત ફ્રેન્ડ ફોલોઈંગ છે. જેમાંથી બબીતાજીનું પાત્ર નિભાવનાર મુનમુન દત્ત પણ સોશિયલ મીડિયા પર ખૂબ જ એક્ટિવ રહે છએ અને ફેન્સ માટે નવી નવી પોસ્ટ શેર કરતી રહે છે. ત્યારે હાલમાં જ બબીતાજીનો ડાન્સ વીડિયો વાયરલ થઈ રહ્યો છે.
તારક મહેતાની બબીતાજીનો વીડિયો વાયરલ
ધમાકેદાર ડાન્સ કરતા જોવા મળી બબીતાજી
વીડિયો જોઈ ફેન્સ થયા આફરીન
હકીકતમાં મુનમુન દત્તાએ એક જોરદાર વીડિયો શેર કર્યો છે. જેમાં તે ડાન્સ કરતી જોવા મળી રહી છે. આ વીડિયોમાં મુનમુન ડાન્સની ટ્રેનિંગ લઈ રહી છે અને ડાન્સ સ્ટેપ્સને ફોલો કરી રહી છે. મુનમુન અજય દેવગનની ફિલ્મ ગોલમાલ અગેનના સોન્ગ નીંદ ચુરાઈ મેરી...પર ડાન્સ કરી રહી છે. વીડિયોમાં મુનમુન ઘરના જ કપડાંમાં જોવા મળી રહી છે. બેકગ્રાઉ્નડ જોઈને લાગે છે કે આ કોઈ સેટ અથવા મુનમુનનું ઘર છે.
આ ડાન્સ વીડિયોમાં મુનમુને કેપ્શન આપ્યું છે કે આ ડાન્સ વીડિયો એક વર્ષ જૂનો છે. તેણે લખ્યું- ગયા વર્ષે...બિહાઈન્ડ ધ સીન્સ..કોરિયોગ્રાફર્સી સાથે રિહર્સલ...ઓહ.. મને ડાન્સ કરવો કેટલો પસંદ છે. આ વીડિયોમાં મુનમુન મસ્તીભર્યા અંદાજમાં ડાન્સ કરતી જોવા મળી રહી છે.