ટેલિવિઝનના પૉપ્યુલર શો 'તારક મહેતા કા ઉલ્ટા ચશ્મા' ની રીટા રિપોર્ટર અકા પ્રિયા આહુજા રાજદા પ્રેગ્નેન્ટ છે.
આમ તો પ્રિયા બીજી ઘણી ફિલ્મોમાં કામ કરી ચૂકી છે પરંતુ લોકપ્રિયતા તેણે 'તારક મહેતા કા ઉલ્ટા ચશ્મા' માંથી મળી છે. પ્રિયાએ પોતાના ઑફિશ્યલ સોશ્યલ મીડિયા એકાઉન્ટ પર ફોટોઝ પોસ્ટ કરીને પોતાની પ્રેગ્નેન્નસીની વાત જણાવી છે.
જન્માષ્ટમીએ પ્રિયા અને માલવે ઑફિશ્યલ ઇન્સ્ટાગ્રામ એકાઉન્ટ પર પોસ્ટ મૂકીને ગૂડ ન્યૂઝની જાણકારી આપી છે. પતિ સાથે માલદીવનું વેકેશન માણી રહેલી પ્રિયાએ વેકેશનના ક્યૂટ ફોટોઝ પોસ્ટ કરીને ફેન્સને જણાવ્યુ છે કે, ''10 નાની આંગળીઓ 10 નાના અંગૂઠા, પ્રેમ અને ભગવાનના આશીર્વાદથી અમારો પરિવાર મોટો થવા જઇ રહ્યો છે. અમારી ખુશી શૅર કરવા માટે આનાથી વધારે સારો દિવસ કયો હોઇ શકે.હેપ્પી જન્માષ્ટમી.''
ઉલ્લેખનીય છે કે, પ્રિયાએ 'તારક મહેતા કા ઉલ્ટા ચશ્મા' ના ડિરેક્ટર માલવ રાજદા સાથે લગ્ન કર્યા છે. પ્રિયા અને માલવની મુલાકાત સીરિયલના સેટ પર થઇ હતી. બંને પ્રેમમાં પડ્યા અને 19 નવેમ્બર 2011ના રોજ લગ્ન કર્યા હતા. હવે લગ્નના 8 વર્ષ બાદ કપલ પહેલા સંતાનને આવકારવા માટે ઉત્સાહિત છે.