'તારક મહેતા કા ઉલ્ટા ચશ્મા'માં દયાબેનનો રોલ ભજવીને પૉપ્યુલર થયેલી દિશા વાકાણીએ તાજેતરમાં જ બ્રાન્ડ ન્યૂ લક્ઝૂરી કાર ખરીદી છે.
જી હા, દિશા વાકાણીએ પોતાના સોશ્યલ મીડિયા એકાઉન્ટ પર પોતાની કારની ફોટો શૅર કરતા કેપ્શન લખ્યુ છે કે, #mycaraudi. આ કારની કિંમત 70 લાખથી વધુ હોવાનો અંદાજ છે. ઉલ્લેખનીય છે કે દિશાના પતિ CA છે. બંનેની પહેલી મુલાકાતમાં જ એકબીજાને પંસદ પડી જતા તેઓ લગ્નના બંધનમાં બંધાઇ ગયા હતા.
સપ્ટેમ્બર 2017થી દિશા મેટરનિટી લીવ પર છે. દિશાએ નવેમ્બર 2018ના દિકરીને જન્મ આપ્યો હતો, ત્યાર પછી ચર્ચા હતી કે દિશા પાંચ મહિના બાદ શોમાં પરત આવશે. જોકે હજુ સુધી દિશા શોમાં પરત ફરી નથી. થોડા સમય પહેલા એવી ચર્ચા હતી કે દિશા ટૂંક સમયમાં જ શોમાં પરત ફરશે. જોકે આ અંગે દિશાએ કોઇ સ્પષ્ટતા કરી નથી.
ફેન્સ પર ભડકી દિશા વાકાણી:
હાલમાં જ દિશાએ સોશ્યલ મીડિયામાં 'આસ્ક મી એનીથિંગ' સેશન હોસ્ટ કર્યું હતું. આ સેશનમાં ચાહકોએ તે શોમાં ક્યારે પરત આવશે તેને લઈ સવાલ પૂછ્યાં હતાં. જેના પર દિશાએ પોતાની નારાજગી વ્યક્ત કરી હતી અને કહ્યું હતું, 'મહેરબાની કરીને મને થોડો સ્પેસ આપો.' આ જોઈને સોશ્યલ મીડિયા યુઝર્સે તેને ટ્રોલ કરી હતી. એક યુઝરે લખ્યું હતું કે, તમારામાં આટલો ઈગો હશે, તે ખ્યાલ નહોતો. તમારા ચાહકો પૂછી રહ્યાં છે કે તમે શોમાં ક્યારે પરત આવશો. એમાં જ તમે ગુસ્સે થઈ ગયા.