ટેલિવિઝનના પ્રખ્યાત શો તારક મેહતા કા ઉલ્ટા ચશ્મામાં ગોગીનું પાત્ર ભજવીરહેલાં સમય શાહ એટલે કે ગોગી પર હુમલો થયો છે. એક્ટર પર આ હુમલો તેની બિલ્ડિંગની બહાર થયો છે. જ્યાં કેટલાક ગુંડાઓએ મળીને તેના પર હુમલો કર્યો છે. એટલું જ નહીં સમય શાહને છેલ્લા કેટલાક દિવસથી જાનથી મારી નાંખવાની ધમકી મળી રહી હતી. ત્યારે સમયની બિલ્ડિંગની બહાર કેટલાક લોકોએ ગ્રુપમાં આવીને તેની પર હુમલો કરી દીધો અને તેની સાથે મારપીટ કરવાની કોશિશ કરી.
તારક મહેતાના ગોગી પર થયો હુમલો
તેની બિલ્ડિંગની બહાર જ કેટલાક લોકોએ તેની સાથે કરી મારપીટ
સ્પોટબોયની એક રિપોર્ટ મુજબ, એક્ટરની માતાએ જણાવ્યું કે, આવુંપહેલી વખત નથી થયું, જ્યારે સમય પર હુમલો થયો હોય. આ પહેલાં પણ તેની પર હુમલો થઈ ગયો છે. સમયની માતાએ દાવો કર્યો છે, તેમણે પોતે જોયું કે, કેટલાક છોકરાઓ તેમના દીકરાને નુકસાન પહોંચાડવા માટેતેમની બિલ્ડિંગનાં પરિસરમાં ઘૂસ્યા હતા. જ્યારે તેમને પુછવામાં આવ્યું કે, તેઓ આવુંકેમ કરી રહ્યાં છે તેઓ શું ઇચ્છે છે, તો તેનો જવાબ આપપવાની જગ્યાએ તેઓ અભદ્ર ભાષાનો ઉપયોગ કરવા લાગ્યા અને સમયની સાથે દુર્વ્યવહાર કરવા લાગ્યા.
સમયની માતાએ કહ્યું કે, જ્યારે અમે તેમની પૂછપરછ માટે ગયા કે તેમને શું પરેશાની છે તો તેઓ ગંદી ભાષાનો ઉપયોગ કરવા લાગ્યા હતા. આવું ત્રીજી વખત થયું છે. જ્યારે સમયની સાથે આ પ્રકારની ઘટના થઈ છે. આનાથી અમારો આખો પરિવાર ખૂબજ પરેશાન છે. આ મામલે સમયના પરિવારે પોલીસ ફરિયાદ પણ કરી છે. આ ઘટના સાંજે 8.30 વાગ્યાની આસપાસ થઈ હતી. જ્યારે સમય તેની શૂટિંગ પૂર્ણ કર્યા બાદ ઘરે આવ્યો હતો ત્યારે તેની ઉપર હુમલો થયો હતો.