ટેલિવૂડ / તારક મહેતા...માં ભીડે બાદ આ 4 લોકોને થયો કોરોના, શું શૂટિંગ પર પડશે અસર? જાણો અસિત મોદીએ શું કહ્યું

• તારક મહેતા સેટના 110 લોકોનું RT-PCR ટેસ્ટ થયો
• એક્ટર મંદાર ચંદવાડકર થોડાં સમય પહેલાં જ કોરોના પોઝિટિવ આવ્યો હતો
• હવે અન્ય 4 લોકો સંક્રમિત થયા છે

તારક મહેતા સેટના 110 લોકોનું RT-PCR ટેસ્ટ થયો હતો. જેમાં 4 લોકો કોરોના પોઝિટિવ આવ્યા છે. પ્રોડ્યૂસર અસિત મોદીએ જણાવ્યું કે 15 દિવસના લોકડાઉનના શૂટ અને શો પર શું અસર થશે. 

અસિત મોદીએ શૂટિંગ બંધ થવા પર, બહાર જઈને શૂટિંગ કરવા પર અને સેટના 4 લોકોને કોરોના પોઝિટિવ આવવા પર એક ચેનલ સાથે વાતચીતમાં જણાવ્યું કે, શૂટિંગ માટે બહાર જવાની કોઈ પોસિબિલિટી અમે વિચારી નહોતી, કારણ કે 3-4 દિવસ પહેલાં જે ગાઈડલાઈન્સ આવી હતી, તેનાથી એવું નહોતું લાગી રહ્યું કે શૂટિંગ રોકાઈ જશે. કારણ કે, તેમાં સેટ પર રહેલાં લોકોનું RT-PCR ટેસ્ટ કરવાનું હતું. તો અમે એવું જ કર્યું જેમાં 4 લોકો પોઝિટિવ આવ્યા. આ લોકોને અમે હોમ ક્વોરન્ટાઈન કર્યા છે. 

આ 4 સંક્રમિત લોકોમાં કેટલાક એક્ટર્સ અને કેટલાક પ્રોડક્શનના લોકો છે. પરંતુ સેટ પર અન્ય લોકોના રિપોર્ટ નેગેટિવ આવ્યા છે. જોકે, શૂટિંગ દરમિયાન અમે સેફ્ટી રાખી રહ્યાં હતા. જો કોઈ થોડો પણ બીમાર હોય તો અમે તેને શૂટિંગ પર આવવાની ના પાડી દેતા હતા. જે લોકો પોઝિટિવ આવ્યા છે તેમાં ગોલીનો રોલ ભજવનાર કુશ શાહ અને પ્રોડક્શનના લોકો છે. મેન આર્ટિસ્ટમાં કોઈ નથી અને અન્ય લોકો સુરક્ષિત છે. 

શૂટિંગ રોકાવા પર અસિતે શું કહ્યું

શૂટિંગ રોકાવા પર અસિત મોદીએ કહ્યું- પહેલાં એવી ગાઈડલાઈન હતી કે તમામને RT-PCR ટેસ્ટ નેગેટિવ આવવા પર શૂટ કરવાની પરવાનગી મળશે. પણ હવે તો 15 દિવસ માટે શૂટિંગ જ બંધ થઈ ગઈ છે. અમે વિચાર્યું હતું કે શૂટની પરમિશન મળશે તો અમે બાયો બબલ ક્રિએટ કરીને શૂટ કરી શકીશું, કારણ કે એન્ટરટેનમેન્ટ જ લોકોને સ્ટ્રેસથી બચાવે છે. જોકે, હું સરકારની સાથે છું, કારણ કે સેફ્ટી સૌથી પહેલાં આવવે છે. 

શું મુંબઈની બહાર થશે શૂટિંગ

અસિત મોદીએ આગળ કહ્યું- અમે બહાર જઈને શૂટિંગ કરવાનો હજી કોઈ પ્લાન બનાવ્યો નથી. પરંતુ પછી વિચારવું પડશે કે શું કરીએ, કારણ કે આર્ટિસ્ટ અને પ્રોડક્શનવાળાઓની સંમતિ હોવી જોઈએ અને સૌથી પહેલાં સેફ્ટી જરૂરી છે. બહાર જવાનો ઓપ્શન સારો છે પરંતુ એ પણ વિચારીને નિર્ણય લેવો પડશે. કારણ કે વર્કર્સ ડેઈલી વેજિસ પર છે તો તેમને ઘણું નુકસાન થશે. અમારી પાસે માત્ર 1 સપ્તાહના એપિસોડ્સ છે. એ પછી જોઈએ શું નિર્ણય આવે છે.