લોકપ્રિય સીરિયલ તારક મહેતા કા ઉલ્ટા ચશ્મા વર્ષ 2008થી લોકોનું મનોરંજન કરી રહી છે. એવામાં શોના તમામ પાત્રોએ દર્શકોના માનસપાટ પર એક અલગ છાપ છોડી છે. જેમાં તારક મહેતામાં પોપટલાલનું પાત્ર ભજવનાર શ્યામ પાઠકે પણ પોતાના અલગ અંદાજથી દર્શકોમાં ખાસ લોકપ્રિયતા મેળવી છે. સીરિયલમાં અપરિણિત પુરૂષની ભૂમિકા ભજવનાર પોપટલાલ રીયલ લાઈફમમાં મેરિડ છે અને 3 બાળકોનો પિતા છે.
તારક મહેતા ટીવી જગતની સૌથી લોકપ્રિય સીરિયલ છે
તેના દરેક પાત્ર દર્શકોને ખૂબ હસાવે છે
ત્યારે પોપટલાલ સાથે શોમાં થઈ હતી આ ઘટના
તારક મહેતામાં જબરદસ્ત લોકપ્રિયતા હાંસલ કરનાર શ્યામના જીવનમાં એક સમયે એવો પણ આવ્યો હતો જ્યારે તેને શોમાંથી હાંકી કાઢ્યો હતો. હકીકતમાં 2017માં દિલીપ જોશી એક લાઈવ શો માટે લંડન ગયો હતો. લંડનમાં પણ તારક મહેતા શોના પાત્રોની ખૂબ ડિમાન્ડ અને લોકપ્રિયતા છે. ત્યાં લોકોએ દિલીપને પોપટલાલ સાથે કોઈ એક્ટ કરવાની રિક્વેસ્ટ કરી અને એ સમયે શ્યામ પાઠક મુંબઈમાં હતો.દિલીપે શ્યામને ફોન કર્યો અને પૂછ્યું કે શું તે લંડન પર્ફોમ કરવા આવશે. દિલીપની વાત સાંભળી શ્યામ ખુશ થઈ ગયો અને તે તરત લંડન જવા રવાના થઈ ગયો. જ્યારે લંડન જતાં પહેલાં તેણે પ્રોડક્શન હાઉસને આ વાતની જાણ કરી નહોતી. ત્યાંથી પરત આવી જ્યારે શ્યામ તારક મહેતાના સેટ પર આવ્યો તો તેને ખબર પડી કે તેને શોમાંથી બહાર કરી દેવાયો છે.
સૂત્રો મુજબ, જ્યારે શ્યામને ખબર પડી કે તેને શોમાંથી હાંકી કાઢ્યો છે તો તે ડરી ગયો. જાણ કર્યા વિના આ રીતે જતા રહેવાથી શોના પ્રોડ્યૂસર શ્યામ પર નારાજ હતા. સમાચારોની માનીએ તો લગભગ 4 દિવસ સુધી તેને શોમાંથી બહાર રાખવામાં આવ્યો હતો. જે બાદ શ્યામે શોની આખી ટીમ અને પ્રોડ્યૂસરથી માફી માંગી અને એ પછી તેને શોમાં ફરી લેવામાં આવ્યો.