ટેલિવૂડ / તારક મહેતામાં જેઠાલાલે બબીતાજીને સાચે પ્રપોઝ કર્યું? જાણો હવે શું આવશે આનું પરિણામ

• તારક મહેતામાં જેઠાલાલની મુશ્કેલીઓ વધી
• બબીતાજીને પ્રપોઝ કરતાં અય્યરે જોઈ લીધું
• જેઠાલાલના જીવનમાં હવે વધશે મુશ્કેલીઓ

હાલ શોમાં માતૃભાષાને લઈને વિવાદ ચાલી રહ્યો છે અને સોસાયટીના લોકો પોતાની માતૃભાષામાં વાત કરી રહ્યાં છે. જેથી એકબીજાની વાત સમજમાં ન આવવાથી સોસાયટીમાં કન્ફ્યૂઝન ઊભું થઈ રહ્યું છે. આ દરમિયાન જેઠાલાલ તેની ફેવરિટ પાડોશી બબીતાજી સાથે વાત કરવા જાય છે ત્યારે બબીતા જેઠાલાલ સાથે બંગાળીમાં વાત કરે છે. 

પરંતુ બબીતાજીને પસંદ કરનારા જેઠાલાલને બબીતાજી શું કહે છે તે સમજાતું નથી અને તે બબીતાજીને બંગાળી શીખવાડવાનું કહે છે. સાથે જ તે બબીતાજીને કહે છે કે તે બંગાળી ભાષાની બહુ જ રિસ્પેક્ટ કરે છે. ત્યારબાદ બબીતા જેઠાલાલને બંગાળીનો સૌથી પોપ્યુલર વાક્ય અમી તુમાકે ભાલો બાસી શીખવાડે છે. જે બાદ જેઠાલાલ બબીતાજીના આ શબ્દો રિપીટ કરે છે અને એટલામાં ત્યાં અય્યર આવી જાય છે અને જેઠાલાલને બબીતાજી સામે પ્રેમનો એકરાર કરતા જોઈ લે છે. 

અય્યરને ત્યાં જોઈને જેઠાલાલના હોશ ઉડી જાય છે. સાથે જ અય્યર આ વાત સાંભળીને લાલચોળ થઈ જાય છે. જે બાદ બબીતા અય્યરને સમજાવે છે કે તે જેઠાલાલને બંગાળી ભાષા શીખવાડવાની કોશિશ કરી રહી છે. જોકે, આવનારા એપિસોડમાં એ જોવાની મજા પડી જશે કે જેઠાલાલ સાથે હમેશાં 36નો આંકડો રાખનાર અય્યર બબીતાજીની વાત સાંભળીને માનશે કે નહીં.