ટીવી સીરિયલ તારક મહેતા કા ઉલ્ટા ચશ્મા શોને દર્શકોનો ભરપૂર પ્રેમ મળી રહ્યો છે અને શો ટીઆરપી લિસ્ટમાં પણ સારું પર્ફોમ કરી રહ્યો છે. ફેન્સ આ શોને ખૂબ જ એન્જોય કરે છે. આ વખતે પણ હોળીના અવસર પર ગોકુલધામમાં આવી જ મસ્તી-મજા અને ધમાકો જોવા મળવાનો છે.
તારક મહેતામાં જેઠાલાલની લાગી લોટરી
હોળી સેલિબ્રેશનમાં મળ્યો બબીતાનો સાથ
પછી તૂટી ગયું જેઠાલાલનું દિલ
હકીકતમાં ગોકુલધામમાં ટપ્પૂ સેના હોળી પર એક ગેમ રમી રહી છે. ગેમમાં બધાંએ સંતાઈ જવાનું છે અને પછી ટપ્પૂસેના એક પછી એક બધાંને શોધીને રંગ લગાવી રહી છે. જેમાં અડધાં ગોકુલધામવાસીઓ ટપ્પૂસેનાના શિકાર થઈ ચૂક્યા છે અને અડધાં બાકી છે. જેમાં સૌથી લોકપ્રિય જેઠાલાલ અને બબીતાજી પણ સામેલ છે. બનશે એવું કે, જેઠાલાલ એક ડેસ્કની પાછળ જઈને છુપાઈ જશે અને એટલામાં ત્યાં અય્યર પહોંચી જશે અને જેઠાલાલને જોઈ જશે.
પછી અય્યર પણ ત્યાં છુપાવા આવી જાય છે. જોકે, ત્યાં જગ્યા ઓછી હોવાથી જેઠાલાલ ભડકી જાય છે અને અય્યરથી કહે છે કે, તમે અહીં સંતાઈ જાઓ. હું બીજે સંતાઈ જઈશ. એટલામાં જેઠાલાલ જ્યાં સંતાવા જાય છે ત્યાં બબીતાજી દેખાઈ જાય છે. બબીતાજીને જોઈને જેઠાલાલ ખૂબ જ ખુશ થઈ જાય છે પરંતુ ઉત્સાહમાં તેના મોઢેથી બબીતાજીનું નામ નીકળી જાય છે. જેઠાલાલના મોઢેથી પોતાની પત્નીનું નામ સાંભળીને અય્યરના હોશ ઉડી જાય છે અને એ કહે છે બબીતા તુમ કહાં હો.
બબીતા જેઠાલાલ સાથે છુપાયેલી હોય છે ત્યારે અય્યરનો અવાજ સાંભળીને તે ઊભી થઈ જાય છે. જેઠાલાલને બબીતાજી સાથે જોઈને અય્યર કહે છે જેઠાલાલ તમે ક્યાંક બીજે સંતાઈ જાઓ અને હું અહીં બબીતા સાથે સંતાઈ જઉં છું. ત્યારે બબીતા અય્યરને કહે છે કે, તમે અહીં જેઠાલાલ સાથે સંતાઈ જાઓ હું બીજે ક્યાંક સંતાઈ જઈશ. એ પછી ફરી એકવાર જેઠાલાલનું દિલ તૂટી જાય છે અને બબીતા ત્યાંથી જતી રહે છે અને અય્યરની સાથે જેઠાલાલને સંતાવું પડે છે. પરંતુ આ દરમિયાન આ બધી મસ્તી મજા જોઈને દર્શકોને ખૂબ મજા પડવાની છે.