થોડા દિવસ પહેલા જ તાપસી પન્નુની આગામી ફિલ્મ થપ્પડનું ટ્રેલર રિલીઝ થયું છે. ફિલ્મના ટ્રેલરને સારો રિવ્યૂઝ મળી રહ્યા છે. ઓડિયન્સ તેમજ બોલિવુડ સેલેબ્સને ફિલ્મનું ટ્રેલર પસંદ આવી રહ્યુ છે, ત્યારે કેન્દ્રીય મંત્રી સ્મૃતિ ઇરાનીને પણ તાપસીનું ફિલ્મનું ટ્રેલર ગમી રહ્યુ છે. સ્મૃતિએ થપ્પડનું ટ્રેલર પોતાના ઇન્સ્ટાગ્રામ એકાઉન્ટ પર શૅર કરીને ખાસ મેસેજ આપ્યો છે.
ટ્રેલરનો વીડિયો તેમના ઇન્સ્ટાગ્રામ પર શેર કરીને લખ્યું, ‘તમે કેટલીવાર સાંભળ્યું છે કે મહિલાઓએ જ એડજસ્ટ કરવું પડે છે? કેટલા એવું વિચારે છે કે મારપીટ માત્ર ગરીબ મહિલાઓના પતિ જ કરે છે? કેટલા એવું માને છે કે ભણેલો માણસ ક્યારેય હાથ નથી ઉઠાવતો? કેટલા લોકો દીકરીઓ અને વહુને એમ કે છે કે કોઈ વાંધો નહીં બેટા આવું તો અમારી સાથે પણ થયું છે પરંતુ જુઓ આજ અમે કેટલા ખુશ છીએ? હું ડિરેક્ટરની રાજકારણની માન્યતાને લઈને સપોર્ટ નથી કરતી બની શકે છે કે હું કોઈ એક્ટર્સ સાથે અમુક બાબત પર સહમત ન પણ હોવ પણ આ સ્ટોરી હું ચોક્કસપણે જોઇશ અને આશા રાખું છું કે લોકો પણ પરિવાર સાથે જુએ. મહિલાને મારવું એ યોગ્ય વાત નથી.... થપ્પડ પણ નહીં....માત્ર એક થપ્પડ પણ નહીં.’
A post shared by Smriti Irani (@smritiiraniofficial) on
સ્મૃતિ ઇરાનીએ આ પોસ્ટ શૅર કરતા સાથએ જ આયુષ્માન ખુરાના અને તાપસી પન્નુ સહિત બી ટાઉનના સેલેબ્સે સ્મૃતિ ઇરાનીના વખાણ કર્યા છે. તાપસીએ તેમની વાત પર કમેન્ટ કરતાં કહ્યું કે, ‘આભાર મેડમ, તમને ફિલ્મ દેખાડવી અમારું સૌભાગ્ય હશે. હું ખુશ છું કે આ મુદ્દા પર આપણે બધા સાથે ઊભા છીએ.’
‘થપ્પડ’ ફિલ્મને ડિરેક્ટર અનુભવ સિન્હાએ ‘ટી સિરીઝ’ સાથે મળીને પ્રોડ્યૂસ પણ કરી છે. ડિરેક્ટર અનુભવ સિન્હાની આ ફિલ્મ મહિલા સશક્તિકરણ પર આધારિત છે. તેઓ ફિલ્મના રાઇટર પણ છે. ફિલ્મ 28 ફેબ્રુઆરીના રોજ રિલીઝ થવાની છે.