તાપસી પન્નૂ તેની આગામી ફિલ્ 'થપ્પડ'ને લઈને ઘણી ચર્ચામાં છે. તેણે ફિલ્મમાં એક એવી મહિલાનો રોલ પ્લે કર્યો છે જે તેની લાઈફમાં હિંસા જરાય સહન કરી શકતી નથી અને એક પાર્ટીમાં તેનો પતિ તેને એક થપ્પડ મારી દે છે, જે બાદ તે પોતાના પતિને છોડવાનો નિર્ણય લે છે.
આમ તો ફિલ્મમાં તાપસીને એક જ વાર હિંસાનો શિકાર થતાં દેખાડી છે પરંતુ એ સીન ફિલ્મની કહાની માટે એટલું મહત્વપૂર્ણ છે કે, તાપસીએ આ શોટને પરફેક્ટ દેખાડવા માટે 7 વખત થપ્પડ ખાધા હતા.
તાપસીને થપ્પડ મારવાની વાતને લઈ ગભરાયેલો હતો કો-સ્ટાર
તાપસીએ ફિલ્મ વિશે વાત કરતાં જણાવ્યું કે, મારો કો-સ્ટાર પાવેલ એ વાતથી ગભરાયેલો હતો કે, તેણે મને જોરથી થપ્પડ મારવાની છે. તે એટલો ડરેલો અને બેચેન હતો કે માનસિક રીતે આ શોટ માટે તૈયાર થવા તેને 2 દિવસનો સમય લાગી ગયો હતો. તાપસીએ કહ્યું, આ શોટને પરફેક્ટ કરવા મારે ઘણાં રીટેક લેવા પડ્યા હતા. ફિલ્મમાં માત્ર એક જ થપ્પડ દેખાડવામાં આવશે પરંતુ શોટને પૂરું કરવામાં 7 થપ્પડ એટલે કે 7 રીટેક લેવા પડ્યા હતા. મને લાગે છે કે, મેં આખી ફિલ્મમાં કોઈ સીન માટે એટલા રીટેક આપ્યા નથી.
વધુમાં તાપસીએ કહ્યું, આ ફિલ્મમાં ઘણો જ મહત્વપૂર્ણ શોટ હતો. ફિલ્મના ડિરેક્ટરે કહ્યું હતું કે આ શોટ એકદમ પરફેક્ટ આવવો જોઈએ, કારણ કે, ઓડિયન્સ 60 એમએમના પરદા પર તેને જુએ તો તેનો ઈમ્પેક્ટ રિયલ જેવો લાગવો જોઈએ. પાવેલે તાપસીને કહ્યું કે તારે મને પણ થપ્પડ મારવી જોઈએ જેથી હું શર્મિંદગી ન અનુભવું. ક્યારેક તે મારા ગળા પર થપ્પડ મારી દેતો તો ક્યારેક કાન પર મારી દેતો હતો. પછી મેં તેને કહ્યું, કંઈ જ ના વિચાર, એક જોરદાર થપ્પડ માર અને આ કિસ્સો અહીં જ ખતમ કર.
તાપસીએ ફિલ્મમાં તેના રોલ વિશે કહ્યું, આ રોલ મારા માટે ઘણો અલગ હતો અને મેં તેને ચેલેન્જ તરીકે લીધો. આ ફિલ્મ શૂટિંગના 15 દિવસ પછી હ્યૂમિલેટ કરવા લાગી હતી. મારા જેવી બિન્દાસ પર્સાનિલિટીને ફિલ્મમાં અમૃતાની પર્સનાલિટીમાં ઢળવા માટે ઘણી મહેનત કરવી પડી હતી.
ફિલ્મ 28 ફેબ્રુઆરીએ રિલીઝ થશે
તમને જણાવી દઈએ કે આ ફિલ્મમાં તાપસી સિવાય રત્ના પાઠક શાહ, તન્વી આઝવી, દીયા મિર્ઝા, રામ કપૂર અને કુમુદ મિશ્રા જેવા કલાકારો પણ છે. આ ફિલ્મ 28 ફેબ્રુઆરીએ રિલીઝ થશે. આ ફિલ્મ સિવાય તાપસી ક્રિકેટર મિતાલી રાજની બાયોપિકને લઈને પણ ચર્ચામાં છે.