ઘણી અભિનેત્રીઓ સોશિયલ મીડિયા પર ટ્રોલર સામે ચૂપ રહેવાનું પસંદ કરે છે, જ્યારે તાપસી પન્નુ સારી રીતે જાણે છે કે ટ્રોલર્સને કેવી રીતે પાઠ ભણાવવો. તાજેતરમાં 'સાંડ કી આંખ' ફિલ્મમાં જોવા મળેલી તાપસી પન્નુ તેની હાજરજવાબી માટે પણ પ્રસિદ્ધ છે. સામે ભલે ગમે તે વ્યક્તિ હોય, તે પોતાની વાત એટલી જ નિર્ભયતાથી રજૂ કરે છે. થોડા દિવસ પહેલાં ટ્વિટર પર એક યુઝરે તાપસીને બોલિવૂડના ઇતિહાસની સૌથી પ્રોબ્લેમેટિક અભિનેત્રી કહી. તેનો મતલબ એ હતો કે તાપસીને હંમેશાં કોઇ ને કોઇ વસ્તુની સમસ્યા રહે છે. તાપસીએ તેને જવાબ આપતાં કહ્યું કે હું જાણું છું કે મારાં માતા-પિતા પણ મને મુસીબત સમજે છે. સ્ટિરિયોટાઇપ માટે તો બહુ મોટી મુસીબત અને તમને જણાવતાં અફસોસ થઇ રહ્યો છે કે હું આગળ જતાં પણ આવી જ રહીશ. તેથી આશા રાખું છું કે તમે તમારી સહન કરવાની ક્ષમતા વધારી દો.
‘સાંડ કી આંખ’ને લઈ રંગોલીએ કહ્યું તાપસીને એક્ટિંગ આવડતી નથી
તાપસીએ કહ્યું મને સહન કરવી જ પડશે
તાપસીએ વધુ ચાર ફિલ્મો સાઇન કરી
તાપસીની 'સાંડ કી આંખ' ફિલ્મને ખૂબ પસંદ કરાઇ હતી, પરંતુ ફિલ્મમાં તેના પાત્રને લઇ કંગના રાણાવતની બહેન રંગોલીએ તાપસી પર નિશાન સાધતાં કહ્યું હતું કે તાપસીને એક્ટિંગનો 'એ' પણ આવડતો નથી. તાપસીએ તેના પર જવાબ આપતાં કહ્યું કે હા નથી આવડતો, છતાં પણ મને ફિલ્મો મળી રહી છે. રંગોલીએ ડિરેક્ટરને પૂછવું જોઇએ કે તેઓ મારી પાસે કેમ આવી રહ્યા છે. મેં હજુ ચાર ફિલ્મો સાઇન કરી છે. તેથી તમારે આ બધું સહન કરવું જ પડશે.