તાપસી પન્નુ અભિનીત ફિલ્મ મિશન ઈમ્પોસિબલ 1 એપ્રિલથી બધા થિયેટરોમાં રીલીઝ થવા માટે તૈયાર છે. એવામાં રીલીઝ થવાના એક દિવસ પહેલા તેની પ્રી-રીલીઝ ઈવેન્ટ રાખવામાં આવી. જેમાં સુપરસ્ટાર અભિનેતા ચિરંજીવી ઉપસ્થિત રહ્યાં.
ફિલ્મ મિશન ઈમ્પોસિબલ 1 એપ્રિલથી બધા થિયેટરોમાં થશે રીલીઝ
આ ઈવેન્ટમાં ચિરંજીવીએ મેગા ગેસ્ટ તરીકે એન્ટ્રી કરી
ચિરંજીવીએ પ્રશંસકોને અપાવ્યો ભરોસો, ફિલ્મ કોઈને નિરાશ કરશે નહીં
હૈદ્રાબાદમાં મિશન ઈમ્પોસિબલ માટે ઈવેન્ટ રખાઈ
આ ઈવેન્ટ બુધવારે હૈદ્રાબાદની એક હોટલમાં રાખવામાં આવી હતી. જેમાં ચિરંજીવીએ મેગા ગેસ્ટ તરીકે એન્ટ્રી કરી હતી. આ દરમ્યાન તેમણે પ્રશંસકો અને ચાહકોને ભરોસો અપાવ્યો કે આ ફિલ્મ કોઈને પણ નિરાશ કરશે નહી. તેમની વાતો પર ભરોસો કરે. તાપસી પન્નુની અપકમિંગ ફિલ્મ મિશન ઈમ્પોસિબલના પ્રી-રીલીઝ ઈવેન્ટમાં કહ્યું, અમે અમુક ઈવેન્ટમાં પોતાની જવાબદારી તો અમુક આયોજનમાં પ્રેમના કારણે આવીએ છીએ. આ ઈવેન્ટમાં પ્રોડ્યુસર નિરંજન રેડ્ડીના ભાઈચારાના પ્રેમ માટે આવ્યો છુ. ખૂબ જ ઓછા સમયમાં તેઓ મારી ખૂબ નજીક આવ્યાં છે. એક ભાઈ જેવા. બીજી તરફ તેઓ સુપ્રીમ કોર્ટમાં એક વકીલની ભૂમિકામાં તેમના કર્તવ્યોની ભૂમિકા નિભાવતા ખૂબ વ્યસ્ત છે. આશ્ચર્યની વાત એ છે કે તેઓ ઘણી ફિલ્મોને પ્રોડ્યુસ કરી રહ્યાં છે. તેઓ મારી સાથે 'આચાર્ય' પણ કરી રહ્યાં છે અને ચૂપચાપ મિશન ઈમ્પોસિબલ પણ બનાવી નાખી.
ચિરંજીવીએ આપી મનોરંજનની ગેરંટી
ચિરંજીવીએ વધુમાં કહ્યું કે ડાયરેક્ટરે કહ્યું કે એજન્ટ સાઈ શ્રીનિવાસ આત્રેય મારી ફિલ્મ Chantabbaiથી પ્રેરિત છે. તેમને મિશન ઈમ્પોસિબલ માટે સારું કોમ્બિનેશન મળી ગયુ. નિરંજને મને કહ્યું તમે ઈવેન્ટમાં ત્યારે આવજો જ્યારે તમને ફિલ્મ સારી લાગે. મેં ફિલ્મ જોઈ અને ખૂબ શાનદાર લાગી. તાપસીને હંમેશા તેમના પાવરફૂલ કેરેક્ટર માટે ઓળખવામાં આવે છે. તેમણે પિન્ક જેવી ફિલ્મોમાં શાનદાર અભિનય કર્યો છે. હું સરપ્રાઈઝ હતો કારણકે આ એ જ અભિનેત્રી છે, જેને અમે Jhummandhi Naadam માં જોઈ હતી. તેમણે પોતાના માટે હિન્દીમાં તેમના કમિટમેન્ટ અને કન્વિક્સન પર એક માર્ક નક્કી કર્યુ છે. આ ફિલ્મમાં ત્રણેય બાળકોએ શાનદાર અભિનય કર્યો છે.