વીડિયો / ગેમના ચક્કરમાં આ બોલિવુડ એક્ટ્રેસના થઇ ગયા આવા હાલ

ડાયલૉગ વગરના આ ટિઝરમાં જબરદસ્ત સસ્પેન્સ અને થ્રિલ છે. ટિઝરમાં તાપસી વ્હીલચેર પર દેખાઇ રહી છે. ટિઝરને જોતી વખતે દર્શકોને દરેક પળે એ વાતનો વિચાર આવશે કે, તાપસી કઇ વાતથી ડરે છે. 

ટિઝરમાં જોઇ શકાય છે કે, દરેક માણસ બે જિંદગી જીવે છે. બીજી જિંદગી ત્યારે શરૂ થાય છે જ્યારે એવો અહેસાસ થાય છે કે, આપણી પાસે માત્ર એક જ જિંદગી છે. ટિઝરમાં વારંવાર એક વીડિયો ગેમ પણ દેખાડવામાં આવી રહી છે. ટિઝરનો બ્રેકગ્રાઉન્ડ મ્યૂઝિક પણ થ્રિલિંગ છે અને તાપસીની એક્ટિંગ તમને દરેક ક્ષણ માટે સ્ક્રીન પરથી નજર નહી હટાવવા દે. 

If you are the prey in this game, you better pray! Here's the teaser of #GameOver. #YouHaveSeenNothingLikeThis https://t.co/Q3tmBipSg2

— Anurag Kashyap (@anuragkashyap72) May 15, 2019

તાપસીની ફિલ્મ 'ગેમ ઑવર' થ્રિલર ફિલ્મ છે જેને વાઇ નોટ સ્ટૂડિયોઝ અને રિલાયન્સ એન્ટરટેનમેન્ટે પ્રોડ્યુસ કરી છે. 'ગેમ ઑવર' તેલુગૂ ફિલ્મ છે જેને હિંદીમાં બનાવવામાં આવી છે.

 'ગેમ ઑવર' અશ્વિન સરવનનની ત્રીજી ફિલ્મ છે. તેણે 2015માં નયનતારા સ્ટારર તમિલ પૈરાનૉર્મલ થ્રિલર ફિલ્મ 'માયા'ને ડિરેક્ટ કરીને ડેબ્યૂ કર્યુ હતુ, તેની બીજી ફિલ્મ  એસ.જે.સૂર્યા સ્ટારર 'ઇરાવાકાલમ' છે જે ટૂંક સમયમાં રિલીઝ થશે. 

ઉલ્લેખનીય છે કે, ટૂંક સમયમાં તાપસી પન્નુ અનુરાગ કશ્યપની ફિલ્મ  'સાંડ કી આંખ'માં પણ જોવા મળશે. આ ફિલ્મમાં તેની સાથે ભૂમિ પેંડનેકર પણ છે.