ટી20 વર્લ્ડ કપની શરૂઆત થઇ ચૂકી છે ત્યારે ભારતીયો આવતીકાલે થનારી IND vs PAKની મેચને લઇને અતિ ઉત્સુક છે ત્યારે મેલબર્નની ફિલ્ડ પર વાદળ ઘેરાયેલા છે. વેધર ડિપાર્ટમેન્ટે મિની ફિલ્ડનો એલર્ટ પણ જારી કર્યો છે જેના લીધે ટીમ ઇન્ડિયાને ઇનડોર પ્રેક્ટીસ કરવી પડી છે.
IND vs PAK મેચ થઇ શકે છે રદ્
વેધર ડિપાર્ટમેન્ટે મિની ફિલ્ડનો એલર્ટ કર્યો જારી
વરસાદને લીધે ટીમને ઇનડોર પ્રેક્ટીસ કરવી પડી
t20 વર્લ્ડકપ: મેલબર્નનાં ક્રિકેટ ગ્રાઉન્ડમાં ટી20 વર્લ્ડકપ 2022 શરૂ થઇ તો ગઇ છે પણ આજે મેદાન પર ધોધમાર વરસાદ પડી રહ્યો છે. જો કે વેધર ડિપાર્ટમેન્ટે આ બાબતે પહેલેથી જ આગાહી કરેલ હતી. મુખ્ય મુદો તો એ છે કે આવતી કાલે થનારી ભારત-પાકિસ્તાનની મેચ જો વરસાદને લીધે રદ થશે તો સેમિફાઇનલનો ગણિત શું રહેશે.
બંને ટીમને મળશે 1-1 પોઇન્ટસ
સુપર12 માં દરેક ટીમે 5 ગેમ રમવાની હોય છે. મેચ જીતવા પર 2 પોઇન્ટસ મળે છે અને હારી જવા પર કોઇ પોઇન્ટ મળતાં નથી. વધુમાં સુપર 12ની મેચ માટે કોઇ રિઝર્વ દિવસ પણ ફાળવવામાં આવ્યો નથી. અને જો આવતીકાલે આ મેચ વરસાદને લીધે રદ થાય છે તો બંને ટીમને 1-1 પોઇન્ટસ મળશે.
કરો કે મરો જેવી સ્થિતી...
આ મેચને જીતીને જો 2 અંક મેળવી લેવામાં આવે તો ટીમનાં સેમિફાઇનલ્સમાં જવાના ચાન્સ વધી જાય છે. અને જો એવું ન થયું તો બીજા મેચોમાં કરો કે મરો જેવી સ્થિતી ઊભી થઇ શકે છે. બાકીની બધી મેચોમાં જીત્યા બાદ પણ જરૂરી નથી કે ટીમ સેમિફાઇનલ્સમાં જશે. ગયાંવર્ષે સાઉથ આફ્રિકાની ટીમે સુપર12માં 5માંથી 4 મેચોમાં વિજય મેળવ્યો હતો છતાં તે સેમિફાઇનલ્સમાં પહોંચી શકી નહીં.
6 માંથી સિલેક્ટ થશે માત્ર 2 ટીમ
ભારત- પાકિસ્તાનનાં ગ્રુપમાં સાઉથ આફ્રિકા, બાંગ્લાદેશ, જિમ્બાબ્વે અને નેધરલેન્ડની ટીમો છે. 6 માંથી માત્ર 2 ટીમોને અંતિમ-4 માં સ્થાન મળી શકશે. તેથી ભારત કે પાકિસ્તાન બંનેમાંથી કોઇ ટીમ નહીં ઇચ્છે કે આ મેચ રદ થાય.
સિડનીમાં પણ વરસાદની આગાહી
ઑસ્ટ્રેલિયા અને ન્યૂઝિલેન્ડની વચ્ચે સિડનીમાં શનિવારે વરસાદની આગાહી હતી. શુક્રવારે તો વરસાદ પડ્યો પણ હતો પરંતુ મેચનાં દિવસે માત્ર વાદળછાયું વાતાવરણ રહ્યું અને મેચ રદ થતાં બચી ગઇ. તો ભારત-પાકિસ્તાનની આવતી કાલની મેચ માટે પણ આપણે આવી જ આશા રાખી શકીએ છીએ.
મેલબર્નની પિચ કેવી છે?
MCG પર છેલ્લી પાંચ ગેમમાં એક જોરદાર ટીમ જીતી રહી છે. આ પાંચ ગેમમાં સૌથી મોટો સ્કોર 175 રનનો રહ્યો છે જે ઑસ્ટ્રેલિયાઅ શ્રીલંકાની વિરુદ્ધ બનાવ્યાં છે. જો કે ભારતનો આ ગ્રાઉન્ડ પર 184 રનનો રેકોર્ડ બનેલો છે. અને પાકિસ્તાનનો આ મેદાન પર સ્કોર 125 રનનો છે.
ટી20 વર્લ્ડ કપમાં ભારતનો દબદબો
બંને ટીમો ટી20 વર્લ્ડકપનાં અત્યારસુધી 6 વખત સામે-સામે આવી ચૂકી છે. જેમાંથી 5 વખત ભારતે બાજી મારી છે. ભારતીય ક્રિકેટ ટીમને પાછલા વર્ષે વિરાટ કોહલીની કેપ્ટનશીપમાં UAEમાં થયેલ ટી20 વર્લ્ડ કપમાં પાકિસ્તાન વિરુદ્ધ હાર મળી હતી.