ટી20 વર્લ્ડ કપ 2022ની ફાઇનલ મેચ આજે ઇંગ્લેન્ડ અને પાકિસ્તાનની વચ્ચે મેલબર્નમાં રમવામાં આવશે. જે પણ ટીમ જીતશે તેને વર્લ્ડકપ 2022 પ્રાપ્ત થશે. પરંતુ આજની આ ફાઇનલ મેચ રમાશે કે રદ થશે તે મોટો પ્રશ્ન છે. કારણ કે મેલબર્નમાં 2 દિવસ ભારે વરસાદની આશંકા છે. હાલમાં હવામાનની સ્થિતિ આપત્તિજનક દેખાઇ રહી છે.
પાકિસ્તાન-ઇંગ્લેન્ડ મેચ થઇ શકે છે રદ
મેલબર્નમાં 2 દિવસ મૂશળધાર વરસાદની આશંકા
મેલબર્નમાં વરસાદની આશંકા 84%
ટી20 વર્લ્ડ કપ 2022 માં આજે પાકિસ્તાન અને ઇંગ્લેન્ડ વચ્ચે ફાઇનલની મેચ થવા જઇ રહી છે. આ મેચ ઑસ્ટ્રેલિયાનાં મેલબર્નમાં રમવામાં આવશે. પરંતુ ફેન્સ માટે નિરાશાજનક સમાચાર છે. આ મેચ વરસાદને લીધે રદ થઇ શકે છે.
મેલબર્નમાં વાતાવરણની સ્થિતિ
મેલબર્નમાં આજે એટલે કે રવિવારે વાતાવરણની સ્થિતિ મેચની તરફેણમાં નથી લાગી રહી. સૂત્રો અનુસાર રવિવારે મેલબર્નમાં વરસાદની આશંકા 84% છે. એટલે કે આજે આખો દિવસ થોડાં-થોડાં સમયાંતરે વરસાદ પડતો રહેશે. જો આવું થાય છે તો મેચ રદ થવાની શક્યતાઓ ઘણી વધી જાય છે.
રિઝર્વ ડેમાં પણ ફાઇનલ મેચ થવાનું મુશ્કેલ
મેલબર્નમાં આજે અધિકતમ તાપમાન 26 ડિગ્રી સેલ્સિયસ અને ન્યૂનતમ તાપમાન 15 ડિગ્રી સેલ્સિયસ સુધીનું રહેવાની આશંકા છે. જો કે 82% વાદળો ઘેરાયેલા રહેવાની આશંકા દેખાઇ રહી છે. અહીં હવાઓની ગતિ 37 કિ.મી /કલાકની છે. જો કે ફાઇનલ મેચ માટે એક રિઝર્વ ડે પણ રાખવામાં આવ્યો છે. એટલેકે જો આજે મેચ રદ થાય છે તો આવતી કાલે આ મેચ રમાશે. પરંતુ આવતી કાલે પણ વરસાદની આશંકા 94% છે. તેવામાં આ મેચ સંપૂર્ણરીતે રદ થઇ શકે છે.
શું ફાઇનલ મેચ થશે રદ?
હવામાન વિભાગ અનુસાર રવિવારે મેલબર્નમાં વરસાદની આશંકા ઓછી છે પરંતુ જો વરસાદ પડે છે તો શું થશે? આઇસીસીએ સેમીફાઇનલ અને ફાઇનલ મેચ માટે એક રિઝર્વ દિવસની ગોઠવણી કરેલ છે. જો રિઝર્વ ડેનાં દિવસે પણ વરસાદ સમસ્યા ઊભી કરે છે તો મેચનાં પરિણામ માટે ઓછામાં ઓછી 10 ઓવરની મેચ રમવું આવશ્યક થાય છે. બંને દિવસોમાં વરસાદની સ્થિતિમાં પણ પાકિસ્તાન અને ઇંગ્લેન્ડ 10-10 ઓવરની મેચ રમે છે તો જ મેચ ડકવર્થ લુઇસ નિયમથી રમવામાં આવશે.
જે પણ ટીમ જીતશે તેની આ દ્વિતીય જીત રહેશે
ટી20 વર્લ્ડ કપ 2022ની ટ્રોફી જે પણ ટીમ જીતે છે તે ટીમને દ્વિતીય વખત વર્લ્ડકપ જીત્યાનો રેકોર્ડ રહેશે. આ પહેલાં પાકિસ્તાને 2009 માં અને ઇંગ્લેન્ડે 2010માં ટી20 વર્લ્ડકપની ટ્રોફી જીતી હતી. આ વખતે ઇંગ્લેન્ડને ફેવરેટ માનવામાં આવી રહ્યું છે પરંતુ પાકિસ્તાને પણ નબળું ન સમજવું જોઇએ.