ભારતીય ક્રિકેટ ટીમ 23 ઓક્ટોબરે T20 વર્લ્ડ કપમાં પોતાના અભિયાનની શરૂઆત પાકિસ્તાન સામે કરશે. વિરાટ કોહલી અને હાર્દિક પંડ્યા વર્લ્ડ કપમાં નવા લુકમાં જોવા મળશે.
23 ઓક્ટોબરે T20 વર્લ્ડ કપ
પાકિસ્તાન અને ભારત આમને સામને
નવા લુકમાં જોવા મળશે કોહલી અને પંડ્યા
ભારતીય ક્રિકેટ ટીમના પૂર્વ કેપ્ટન વિરાટ કોહલી આગામી T20 વર્લ્ડ કપમાં મેદાન પર નવા લુકમાં જોવા મળશે. કોહલી હાલમાં આ પ્રતિષ્ઠિત ટૂર્નામેન્ટની તૈયારીમાં વ્યસ્ત છે. વિરાટની સાથે, અનુભવી ઓલરાઉન્ડર હાર્દિક પંડ્યા પણ ઑસ્ટ્રેલિયામાં 16 ઑક્ટોબરથી યોજાનારા T20 વર્લ્ડ કપમાં નવા લુકમાં જોવા મળશે. બંને ખેલાડીઓએ નવા હેરકટના ફોટા સોશિયલ મીડિયા પર પોસ્ટ કર્યા છે.
બન્ને સ્ટાર ક્રિકેટર્સેનો નવો લુક
ઓસ્ટ્રેલિયાના પ્રખ્યાત હેરસ્ટાઈલિસ્ટ જોર્ડને કોહલી અને પંડ્યાને એક નવો હેરકટ આપ્યો છે. બંનેએ પોતપોતાની ઈન્સ્ટા સ્ટોરીમાં જોર્ડનનો આભાર માન્યો છે. જોર્ડને તેના ઓફિશિયલ ઈન્સ્ટાગ્રામ પેજ પર કોહલીનો એક વીડિયો શેર કર્યો છે, જેમાં વિરાટ તેની નવી હેરસ્ટાઈલ ફ્લોન્ટ કરતો જોવા મળી રહ્યો છે.
જૂના રંગમાં પાછો ફર્યો વિરાટ કોહલી
ભારતીય ટીમ હાલમાં પર્થમાં T20 વર્લ્ડ કપની તૈયારી કરી રહી છે. ટીમ ઈન્ડિયાને વેસ્ટર્ન ઓસ્ટ્રેલિયા સામે બે વોર્મ-અપ મેચ રમવાની છે. ભારતીય ટીમે પ્રથમ મેચ જીતી લીધી છે જ્યારે બીજી વોર્મ-અપ મેચ ગુરુવારે રમાશે. વિરાટ કોહલી વેસ્ટર્ન ઓસ્ટ્રેલિયા સામે પ્રથમ વોર્મ-અપ મેચમાં રમી શક્યો ન હતો. કોહલી તેના જૂના રંગમાં પાછો ફર્યો છે. એશિયા કપ 2022માં તેણે તેની આંતરરાષ્ટ્રીય કારકિર્દીની 71મી સદી ફટકારી હતી.
T20 વર્લ્ડ કપમાં વિરાટ કોહલીની એવરેજ શાનદાર
વિરાટે T20 વર્લ્ડ કપમાં 21 મેચ રમી છે, જેમાં તેણે 845 રન કર્યા છે. કોહલીએ આ પ્રતિષ્ઠિત ટૂર્નામેન્ટમાં 76થી વધુની એવરેજથી રન બનાવ્યા છે. બીજી તરફ ટીમને પણ વર્લ્ડ કપમાં હાર્દિક પડ્યા પાસેથી ઘણી આશાઓ છે. હાર્દિક અત્યારે શાનદાર ફોર્મમાં છે. ગુજરાત ટાઇટન્સ માટે IPL ટ્રોફી જીતનાર પંડ્યા જૂના લયમાં જોવા મળી રહ્યો છે. IPL 2022 થી તે સારું પ્રદર્શન કરી રહ્યો છે.