T20 World Cup / હવે તો ધોની પણ ટીમમાં નથી, પાક. કે ઓસ્ટ્રેલીયા નહીં પણ આ ટીમ ભારત માટે ખતરો

• ટી-20 વર્લ્ડ કપ 2021માં ભારતીય ટીમે આ ટીમથી સંભાળવાની જરૂર
• આ ટીમ મોટી-મોટી દિગ્ગજ ટીમોને ધૂળ ચટાડવામાં માહેર
• ભારતને 2007ના વન-ડે વર્લ્ડ કપમાં હરાવી ટુર્નામેન્ટમાંથી બહાર ધકેલ્યું હતુ

ટી-20 વર્લ્ડ કપમાં ભારતીય ટીમે ખાસ સંભાળવાની જરૂર

આ ટીમો મોટી-મોટી ટીમોને હરાવીને ટુર્નામેન્ટમાંથી બહાર કરવામાં માહેર છે. ટી-20 વર્લ્ડ કપમાં ભારતીય ટીમે આ ટીમથી ખાસ સંભાળવાની જરૂર છે. ગઈ વખતે 2016ના ટી-20 વર્લ્ડ કપમાં પણ ભારતીય ટીમ બચી ગઇ છે. આ ટીમનું નામ બાંગ્લાદેશ છે. જે પોતાના ફોર્મમાં આવે તો મોટામાં મોટી દિગ્ગજ ટીમોને ધૂળ ચટાડવામાં માહેર છે. બાંગ્લાદેશની ટીમે લગભગ દરેક વર્લ્ડ કપમાં મોટી-મોટી ટીમોનું સપનું તોડ્યુ છે.

મોટી-મોટી ટીમોનો ઉત્સાહ છીનવવામાં માહેર

બાંગ્લાદેશે ભારતને 2007ના વન-ડે વર્લ્ડ કપમાં હરાવીને ટુર્નામેન્ટમાંથી બહાર ધકેલી દીધુ હતુ. ત્યારબાદ સચિન તેંડુલકરથી લઇને વિરેન્દ્ર સહેવાગ અને રાહુલ દ્રવિડ જેવા દિગ્ગજ ખેલાડીઓ ઉદાસ થયા હતા. 2016ના ટી-20 વર્લ્ડ કપમાં પણ બાંગ્લાદેશે લગભગ ટીમ ઈન્ડિયાને ટુર્નામેન્ટમાંથી ફેંકી દીધુ હતુ. પરંતુ ધોનીના ઐતિહાસિક રન આઉટે ભારતની લાજ રાખી હતી. ભારતે આ મેચને 1 રનથી જીતી ટુર્નામેન્ટમાં ભારતીયોની આશાને જીવંત રાખી હતી.

ફોર્મમાં છે બાંગ્લાદેશની ટીમ 

બાંગ્લાદેશની ક્રિકેટની મોટી ટીમોમાં ગણતરી થતી નથી. પરંતુ તેમ છતાં આ ટીમે ઘણી વખત દુનિયાની શ્રેષ્ઠ ટીમોનું દિલ તોડી નાખ્યું છે. તાજેતરમાં બાંગ્લાદેશે ઓસ્ટ્રેલિયાને ટી-20 શ્રેણીની 5 મેચોમાંથી 4-1થી મ્હાત આપી હતી. બાંગ્લાદેશે ત્યારબાદ ન્યૂઝીલેન્ડને પણ ટી-20 શ્રેણીમાં 5 મેચમાંથી 3-2થી હાર આપી હતી.