T20 World Cup / ભારત પાકિસ્તાન ટી 20 વર્લ્ડ કપને લઈ સટ્ટા બજાર ગરમ, જાણો કોનો કેટલો ભાવ

• રવિવારે ટી 20 વર્લ્ડ કપમાં ભારત- પાક.નો મુકાબલો 
• સટ્ટા બજારમાં ભારતની ટીમ પાકિસ્તાન કરતા હોટ ફેવરિટ 
• બુકી બજારમાં ભારતનો 56 પૈસા, પાકિસ્તાનનો રૂ.1.60નો ભાવ

રવિવારે ભારત પાકિસ્તાન વચ્ચે ટી 20 મુલાબલો થનાર છે ત્યારે સટ્ટા બજારમાં ગરમાવો આવી ગયો છે. હાલ તો સટ્ટામાં ભારતની ટીમ પાકિસ્તાન કરતા હોટ ફેવરિટ મનાઈ રહી છે. જો કે બુકી બજારમાં ભારતનો 56 પૈસા, પાકિસ્તાનનો રૂા. 1.60 ભાવ બોલાઈ રહ્યો છે, મહત્વનું છે કે રાજકોટમાં અંદાજે 25 થી 30 કરોડનો તેમજ સૌરાષ્ટ્રમાં 150 કરોડનો સટ્ટો બુકીઓ દ્વારા રમાય એવો અંદાજ લાગી રહ્યો છે. 

રવિવારે ટી 20 વર્લ્ડકપમાં ભારત- પાક.નો મુકાબલો 

અહેવાલો અનુસાર બુકી બજારમાં ભારતની ટીમનાં 56 પૈસા સામે પાકિસ્તાનનો ભાવ 1.60 પૈસા ખુલ્યો છે. તેનું કારણ એવું પણ માનવામાં આવે છે કે છેલ્લી પાંચ ટી-20 વર્લ્ડ કપમાં ભારત સામે પાકિસ્તાન એક પણ મેચ જીત્યુ નથી. વળી હાલમાં ભારતની ટીમ ફુલ ફોર્મમાં છે. તેનો દેખાઉ પણ છેલ્લા કેટલાક મેચમાં ઘણો સારો રહ્યો છે. 

સટ્ટા બજારમાં ભારતની ટીમ પાકિસ્તાન કરતા હોટ ફેવરિટ 

જાણકારો અનુસાર બુકીઓ દ્વારા દર વખતે ભારત-પાકિસ્તાન વચ્ચેના મેચમાં અન્ય મેચો કરતા વધુ સટ્ટો રમાય છે. આ મેચમાં પણ ધુમ સટ્ટો રમાશે એકલા સૌરાષ્ટ્રમાં 150 કરોડનો સટ્ટો બુકીઓ દ્વારા રમાય એવો અંદાજ લગાવવામાં આવી રહ્યો છે. જેમાં આ મેચમાં મોટા ભાગના પંટરો ભારતની ટીમ ઉપર દાવ લગાડશે. જો ખેલાડીઓની વાત કરી તો ભારતના વિરાટ કોહલી અને રોહિત શર્મા પર સૌથી વધુ સટ્ટો લાગી શકે છે આ બંને ખેલાડીઓ કેટલા રન કરે તેની ઉપર પંટરો દાવ લગાડી શકે તેવો પણ એક અંદાજ છે જયારે પાકિસ્તાનની ટીમના કેપ્ટન બાબર આઝમ અને મહમદ રિઝવાન પર સૌથી વધુ સટ્ટો રમાશે.