ક્રિસ ગ્રીવ્સના ઓલરાઉન્ડર પ્રદર્શનથી સ્કોટલેન્ડે બાંગ્લાદેશને 6 રનથી હરાવીને ટી-20 વિશ્વ કપના પ્રથમ દિવસે મોટો ફેરફાર જોવા મળ્યો. સ્કોટલેન્ડે ગ્રુપ બીની આ મેચમાં ટોસ ગુમાવ્યાં બાદ પ્રથમ બેટીંગ કરી 9 વિકેટના નુકસાને 140 રનનો પડકારજનક સ્કોર બનાવ્યો. બાંગ્લાદેશ આ લક્ષ્યને પ્રાપ્ત કરવામાં નિષ્ફળ રહ્યું છે.
ક્રિસ ગ્રીવ્સનું ઓલરાઉન્ડર પ્રદર્શન
સ્કોટલેન્ડે બાંગ્લાદેશને 6 રનથી હરાવ્યું
સ્કોટલેન્ડે 9 વિકેટ ગુમાવી 140 રનનો સ્કોર બનાવ્યો
સ્કોટલેન્ડે બે મહત્વપૂર્ણ પોઈન્ટ પ્રાપ્ત કર્યા
સ્કોટલેન્ડના બેટ્સમેન જ્યોર્જ મંજીના 29 રન હોવા છતાં સ્કોટલેન્ડ એક સમયે 6 વિકેટના નુકસાને 53 રન બનાવી સંઘર્ષ કરી રહ્યું હતુ. ગ્રીવ્સે 28 બોલમાં 4 ચોગ્ગા અને 2 છગ્ગાની મદદથી 45 રન અને માર્ક વાટે 17 બોલમાં 22 રન કરી ભાગીદારી કરી. પોતાની બીજી મેચ રમી રહેલા ગ્રીવ્સે બોલિંગમાં પણ સ્કોટલેન્ડની વાપસી કરી. મુશ્ફિકુર રહીમે 36 બોલમાં 38 અને શાકિબે અલ હસને 28 બોલમાં 20 જ્યારે બાંગ્લાદેશને પ્રારંભિક ઝાટકામાંથી બહાર આવી રહ્યાં હતા ત્યારે ગ્રીવ્સે આ બંનેને સતત ઓવરો નાખી આઉટ કર્યા. બાંગ્લાદેશની ટીમ છેલ્લે 7 વિકેટ ગુમાવી ફક્ત 134 રન બનાવ્યાં હતા. આ રીતે સ્કોટલેન્ડે બે મહત્વપૂર્ણ પોઈન્ટ પ્રાપ્ત કર્યા.
ગ્રીવ્સે ત્રણ ઓવરમાં 19 રન આપીને બે વિકેટ લીધી. બ્રેડ વ્હીલે 24 રન આપીને ત્રણ, જ્યારે જોન ડેવી અને માર્ક વોટે એક-એક વિકેટ લીધી. સ્કોટલેન્ડના ફાસ્ટ બોલરોએ ધારદાર બોલિંગ કરી તથા બાંગ્લાદેશના બેટ્સમેન સૌમ્ય સરકાર અને લિટન દાસની વિકેટ લઇને બાંગ્લાદેશને દબાણમાં લાવી દીધુ. જેનાથી તેઓ છેલ્લે સુધી બહાર આવી શક્યા નહોતા. આખરે પાવરપ્લેમાં બાંગ્લાદેશ બે વિકેટ ગુમાવી 25 રન સુધી પહોંચી શકી હતી.