પાકિસ્તાનની એક નવી જર્સીનો ખુલાસો થયો છે, જેની તસવીરો સોશિયલ મીડિયા પર લીક થઇ ગઇ છે.
પાકિસ્તાનની નવી જર્સીની તસ્વીરો લીક થઇ
સોશિયલ મીડિયા પર લીક થયેલ ફોટા પર પ્રતીક્રીયા
લોકોએ તરબૂચ સાથે લીક થયેલા જર્સીના ફોટો સરખાવ્યા
ટી-20 વર્લ્ડ કપના શરૂઆતને હવે માત્ર એક મહિનાનો સમય બાકી રહ્યો છે, ત્યારે ઘણી ટીમોએ તેમની ટીમની જાહેરાત કરી દીધી છે. ટીમ ઈન્ડિયા સહિત વર્લ્ડ કપ માટે પોતાની નવી જર્સી પણ લોન્ચ કરી છે. આ દરમિયાન પાકિસ્તાનની એક નવી જર્સીનો પણ ખુલાસો થયો છે, જેની તસવીરો સોશિયલ મીડિયા પર લીક થઇ ગઇ છે.
પાકિસ્તાનના કેપ્ટન બાબર આઝમ અને અન્ય કેટલાક ખેલાડીઓની નવી ટીશર્ટમાં તસવીર સોશિયલ મીડિયા પર વાયરલ થઈ છે. ફેન્સ તેની મજાક પણ ઉડાવી રહ્યા છે, જો કે અત્યાર સુધી પાકિસ્તાને સત્તાવાર રીતે નવી જર્સી લોન્ચ નથી કરી, પરંતુ આ લીક થયેલી તસવીરો છે.
સોશિયલ મીડિયા પર વાયરલ થયેલી તસવીરો પર ફેન્સે પ્રતિક્રિયા આપી હતી કે આ તરબૂચની ડિઝાઇન છે અને તે મુજબ વર્લ્ડ કપની જર્સી પણ બનાવવામાં આવી છે. બાબર આઝમની નવો ડ્રેસ પહેરેલી તસવીર પણ સોશિયલ મીડિયા પર ખૂબ વાયરલ થઇ રહી છે.
તમને જણાવી દઈએ કે રવિવારે ભારતે પોતાની નવી જર્સી પણ લોન્ચ કરી દીધી છે. ટીમ ઈન્ડિયાની નવી જર્સીને કેપ્ટન રોહિત શર્મા, હાર્દિક પંડ્યા, મહિલા ટીમની કેપ્ટન હરમનપ્રીત કૌર અને અન્ય સ્ટાર ખેલાડીઓની હાજરીમાં લોન્ચ કરવામાં આવી છે, જે આ વખતે સ્કાય બ્લૂ કલરની છે. ભારત અને પાકિસ્તાન 23 ઓક્ટોબરથી એકબીજા સામે ટી-20 વર્લ્ડ કપમાં પોતાના મિશનની શરૂઆત કરશે.