T 20 World Cup 2021 / PAK ટીમના બેટીંગ કોચનો ખુલાસો, ધોની સિવાય આ બેટ્સમેનોને કારણે પાકિસ્તાન રહે છે દહેશતમાં

• 24 ઓક્ટોબરે પાકિસ્તાન સામે ટકરાશે ભારત
• પાકિસ્તાનના બેટીંગ કોચ મેથ્યૂ હેડનનું નિવેદન
• ભારતના બે બેટ્સમેનો પાકિસ્તાન માટે આફત સમાન

આ ખેલાડીઓ પાકિસ્તાન માટે આફત સમાન

ઓસ્ટ્રેલિયાના પૂર્વ દિગ્ગજ ક્રિકેટર અને પાકિસ્તાનના બેટીંગ કોચ મેથ્યૂ હેડને ભારતના બે બેટ્સમેનોને પાકિસ્તાન માટે આફત સમાન ગણાવ્યાં છે. મેથ્યૂ હેડને કહ્યું છે કે મેં ભારતીય ક્રિકેટને ખૂબ જ નજીકથી ફોલો કરી છે. મેં કેએલ રાહુલને સારું રમતા જોયો છે. જે પાકિસ્તાન માટે આફતરૂપ છે. મેં કેએલ રાહુલના પરિશ્રમને જોયો છે અને ટી-20 ફોર્મેટમાં તેનો દબદબો યથાવત છે. મેં રિષભ પંતને પણ જોયો છે. તે કેવીરીતે બોલિંગ કરી વિકેટ લે છે. કારણકે તેમને તક મળે છે તો તે આક્રમક રીતે બોલિંગ કરે છે.

કેએલ રાહુલ

ભારતીય ટીમના આક્રમક ઓપનર હાલના વર્લ્ડ કપમાં ધમાકેદાર ફોર્મમાં છે. તેમણે બંને વોર્મઅપ મેચમાં સારી ઈનિંગ રમી છે. જ્યારે રાહુલ પોતાની ધુનમાં રમે છે તો કોઈ પણ બોલરને સારી રીતે ધોવે છે. આઈપીએલ 2021માં કેએલ રાહુલે 600થી વધુ રન ફટકાર્યા હતા. ઈનિંગની શરૂઆતમાં રાહુલનો અંદાજ આક્રમક રહ્યો છે.

રિષભ પંત

આ વિકેટકીપર બેટ્સમેને પોતાની આક્રમક બેટીંગથી નામ કમાવ્યું છે. પંત એક હાથથી છગ્ગો મારવામાં ખૂબ માહેર છે. જેને જોઈને દર્શકોમાં ઉત્સાહ વધી જાય છે. અંતિમ ઓવરમાં રિષભ પંતને અટકાવવો સરળ નથી. જ્યારે તેઓ પોતાની ધુનમાં રમતા હોય છે ત્યારે તેમને સમય થતો નથી. પાકિસ્તાન સામેની મેચમાં વિરાટ કોહલીને પંત પાસેથી મોટી ઈનિંગ ખેંચવાની અપેક્ષા છે.

ટી-20 વર્લ્ડ કપ માટે ભારતીય ટીમ

વિરાટ કોહલી (કેપ્ટન), રોહિત શર્મા (વાઈસ કેપ્ટન), કેએલ રાહુલ, સુર્યકુમાર યાદવ, રિષભ પંત (વિકેટ કીપર), ઈશાન કિશન (વિકેટ કીપર), હાર્દિક પંડ્યા, રવિન્દ્ર જાડેજા, રાહુલ ચાહર, રવિચંદ્રન અશ્વિન, શાર્દૂલ ઠાકુર, વરૂણ ચક્રવર્તી, જસપ્રીત બુમરાહ, ભુવનેશ્વર કુમાર, મોહમ્મદ શમી.