INDvsPAK / આ ગયા મૌકા! આજે T20 વર્લ્ડકપનો પ્રથમ મહામુકાબલો ભારત-પાકિસ્તાન વચ્ચે, કોહલી બ્રિગેડ તૈયાર

• વિરાટ કોહલીની આગેવાનીમાં ભારતીય ટીમ તૈયાર
• આજે ભારત અને પાકિસ્તાન વચ્ચે પ્રથમ મેચ
• ટી-20 વર્લ્ડકપમાં પાકિસ્તાન સામે ભારત તમામ મેચ જીત્યું

ભારતીય સમય અનુસાર સાંજે 7:30 વાગ્યે મેચ શરૂ થશે, તેવામાં આ મોટી ગેમ પર તમામની નજરો ટકેલી છે. વિરાટ કોહલીની આગેવાનીમાં ટીમ ઇન્ડિયા તમામ રીતે તૈયાર છે, જ્યારે પાકિસ્તાનની ટીમ આ વખતે બાબર આઝમની આગેવાનીમાં રમી રહી છે.

ટીમ ઇન્ડિયા મજબૂત, પાકિસ્તાન પણ તૈયાર

ભારતીય ટીમ આ મહામુકાબલા માટે તમામ રીતે તૈયાર છે. વિરાટ કોહલીની કેપ્ટનશીપમાં ટીમ ઇન્ડિયા આ વર્લ્ડકપને જીતાડવા ઇચ્છશે. સુપર-12 રાઉન્ડના આ મુકાબલાથી પહેલા ભારતે 2 વૉર્મ-અપ મેચ રમ્યા હતા, જેમાંથી બન્નેમાં જીત થઈ હતી. ભારતે ઑસ્ટ્રેલિયા અને ઈંગ્લેન્ડની ટીમને હાર આપી હતી. તેવામાં ટીમ ઇન્ડિયા પુરા જોશથી પાકિસ્તાન વિરૂદ્ધ મુકાબલામાં ઉતરશે.

જો પાકિસ્તાનની વાત કરીએ તો 2 વૉર્મ-અપ મેચમાં એક મેચ જીત્યું અને બીજી હાર્યું હતું. સાઉથ આફ્રિકાની ટીમે પાકિસ્તાનને માત આપી હતી. જ્યારે પાકિસ્તાને એખ મેચમાં વેસ્ટઇન્ડિઝને હરાવ્યું હતું. પરંતુ બાબર આઝમની ટીમ માટે ભારતીય ટીમને હરાવવી સહેજ પણ આસાન નહીં હોય.

ઇતિહારની વાત કરીએ તો તમામ મેચ ભારતે જ જીતી છે. ભારત અને પાકિસ્તાન વચ્ચે ટી-20 વર્લ્ડકપમાં કુલ 5 મેચ થઇ અને પાંચેય મેચમાં ટીમ ઇન્ડિયાએ જીત મેળવી છે. આ મુકાબલામાં 2007 ટી-20 વર્લ્ડકપની ફાઈનલમાં પણ સામેલ છે, જેને ટીમ ઇન્ડિયાએ જીતી લીધી હતી.

ટી-20 વર્લ્ડકપમાં ભારત-પાકિસ્તાન

• 2007- ભારતની જીત(બૉલ આઉટ)
• 2007- ભારતની જીત
• 2012- ભારતની જીત
• 2014- ભારતની જીત
• 2016- ભારતની જીત

ટી-20 વર્લ્ડકપ માટે ભારતીય ટીમ

વિરાટ કોહલી(કેપ્ટન), રોહિત શર્મા(વાઈસ કેપ્ટન), કેએલ રાહુલ, સૂર્યકુમાર યાદવ, ઋષભ પંત(વિકેટ કીપર), ઈશાન કિશન, હાર્દિક પંડ્યા, રવિન્દ્ર જાડેજા, રાહુલ ચાહર, રવિચન્દ્રન અશ્વિન, શાર્દુલ ઠાકુર, વરૂણ ચક્રવર્તી, જસપ્રીત બુમરાહ, ભુવનેશ્વર કુમાર, મોહમ્મદ શમી

ભારત વિરૂદ્ધ મેચ માટે પાકિસ્તાનની ટીમ

બાબર આઝમ(કેપ્ટન), મોહમ્મદ રિઝવાન, ફખર જમાન, મોહમ્મદ હફીઝ, શોએબ મલિક, આસિફ અલી, ઇમાદ વસીમ, શાદાબ ખાન, શાહીન આફરીદી, હસન અલી, હરીસ રઉફ, હૈદર અલી