ક્રિકેટ / આફ્રિકા અને ઝિમ્બાબ્વે વચ્ચેની ચાલુ મેચમાં બન્યું એવું કે રદ કરવી પડી, ડીકોકની તોફાની ઈનિંગ પાણીમાં

• આફ્રિકા અને ઝિમ્બાબ્વે વચ્ચેની મેચ રદ કરાઈ
• વરસાદને કારણે નિર્ણય લેવાયો
• પહેલા મેચ 9 ઓવરની કરાઈ પછી 7 ઓવરની કરવી પડી
• આખરે મેચ જ રદ કરવી પડી 
• ક્વિન્ટોન ડી કોકે 18 બોલમાં કર્યાં 47 રન
• બન્ને ટીમને મળ્યાં 1-1 પોઈન્ટ

આઈસીસી ટી-20 વર્લ્ડ કપમાં સોમવારે દક્ષિણ આફ્રિકા અને ઝિમ્બાબ્વે વચ્ચે સુપર 12 મેચ વરસાદને કારણે રદ કરી દેવાઈ હતી. વરસાદને કારણે પહેલા મેચને 9 ઓવરની કરી દેવામાં આવી હતી અને ત્યારબાદ સાઉથ આફ્રિકાની બેટિંગ 7 ઓવરની કરવી પડી હતી. પ્રથમ બેટિંગ કરતા ઝિમ્બાબ્વેએ 9 ઓવરમાં 5 વિકેટે 79 રન બનાવ્યા હતા. જવાબમાં દક્ષિણ આફ્રિકાને 7 ઓવરમાં 64 રનનો સંશોધિત લક્ષ્યાંક મળ્યો હતો. વરસાદના કારણે મેચ પુરી થઈ શકી નહતી અને સાઉથ આફ્રિકાને જીતની નજીક પહોંચીને પોઈન્ટ શેર કરવાની ફરજ પડી હતી.

T20 World Cup match between South Africa and Zimbabwe called off due to rain

— Press Trust of India (@PTI_News) October 24, 2022

પહેલા 9 ઓવર પછી 7 ઓવરની મેચ કરવી પડી તોય ન રમાઈ શકી 

સાઉથ આફ્રિકા અને ઝિમ્બાબ્વે વચ્ચેની મેચ વરસાદના વિધ્નને કારણે 20-20 ઓવરની થઈ શકી નહતી. વરસાદને કારણે સમય બગાડ્યા બાદ ઝિમ્બાબ્વેને પ્રથમ 9 ઓવર મળી હતી. સાઉથ આફ્રિકાએ શરુઆતના 4 આંચકા આપ્યા હતા અને ટીમની મોટા સ્કોરની અપેક્ષા ઘટાડી દીધી હતી. 19 રનના સ્કોર પર ટીમે રેજિસ ચકબાવા, ક્રેગ એર્વિન, સીન વિલિયમ્સ અને ટીમની સૌથી મોટી આશા સિકંદર રઝાની વિકેટ ગુમાવી દીધી હતી.

ડી કોકની તોફાની ઈનિંગે પાણી ફેરવી દીધું
ઓછા ટાર્ગેટનો પીછો કરવા આવેલા સાઉથ આફ્રિકાના ઓપનર ક્વિન્ટોન ડી કોકે આવતાની સાથે જ મેદાન પર તોફાન મચાવી દીધું હતું. 18 બોલ રમ્યા બાદ તેણે 8 ચોગ્ગા અને 1 છગ્ગા સાથે 47 રન કર્યા હતા. દક્ષિણ આફ્રિકાએ 3 ઓવરમાં 51 રન બનાવ્યા હતા અને વરસાદે મેચ અટકાવી દીધી હતી. મેચ પૂરી ન થવાને કારણે ટીમે પોતાના પોઇન્ટ શેર કરવા પડ્યા હતા.