ટી-20 વર્લ્ડ કપ પહેલાં પાકિસ્તાન ક્રિકેટ ટીમની એક શરમજનક હરકત સામે આવી છે. પાકિસ્તાને પોતાની ટી-20 વર્લ્ડ કપની જરસી પર લગાવેલા ટુર્નામેન્ટના લોગોમાંથી ભારતનું નામ હટાવી દીધુ છે.
વર્લ્ડ કપ પહેલાં પાકિસ્તાન ક્રિકેટ ટીમની શરમજનક હરકત
ટી-20 વર્લ્ડ કપની જરસી પરથી ભારતનું નામ હટાવ્યું
પાકિસ્તાને યજમાન દેશ ભારતનું નામ હટાવીને UAE લખ્યું
પાકિસ્તાનની શરમજનક હરકતથી વિશ્વમાં થયુ શર્મસાર
ટી-20 વર્લ્ડ કપ 2021ની યજમાની ભારત કરી રહ્યું છે. પરંતુ કોરોના વાયરસને કારણે વર્લ્ડ કપને યુએઈમાં શિફ્ટ કરવામાં આવ્યો છે. આ ટુર્નામેન્ટના અસલી યજમાન ભારત જ છે. એવામાં પાકિસ્તાનનું શરમજનક કૃત્ય સામે આવતા દુનિયામાં તેની ચર્ચા થઇ રહી છે. હાલમાં આ ટુર્નામેન્ટમાં ભાગ લેનારી ટીમોએ પોતપોતાની જરસીનું પ્રદર્શન શરૂ કર્યુ છે. પાકિસ્તાને આ જરસી પર યજમાન દેશ ભારતનું નામ ના લખીને UAE લખ્યું છે.
ICCના નિયમો મુજબ, ICC ટુર્નામેન્ટમાં દરેક ટીમો પોતાની ટીમની જરસીની જમણી બાજુએ ટુર્નામેન્ટના નામની સાથે યજમાન દેશનું નામ અને વર્ષ લખે છે. જેને પગલે અહીં ‘ICC મેન્સ ટી-20 વર્લ્ડ કપ ભારત 2021’ લખવાનુ હતુ. પરંતુ પાકિસ્તાને ભારતની જગ્યાએ અહીં UAE લખ્યું છે.
જોકે, હજી સુધી પાકિસ્તાને સત્તાવાર રીતે આ વર્લ્ડ કપ જરસીનું પ્રદર્શન કર્યુ નથી. પરંતુ જો પાકિસ્તાન આ જરસી પ્રદર્શિત કરશે તો તેનાથી BCCI અને ICC કાર્યવાહી કરી શકે છે. આગામી ટી-20 વર્લ્ડ કપ માટે ગેરકાયદેસર રીતે સોશિયલ મીડિયામાં પાકિસ્તાનની જે જરસી પ્રદર્શિત થઇ રહી છે, તેના પર ભારતની જગ્યાએ યુએઈ લખાયેલુ છે.