T20 વર્લ્ડ કપ / ભારતનું સુપર 8 શિડ્યુઅલ ફાઈનલ, જાણો કઈ તારીખે કઈ ટીમો સામે ટકરાશે

આ વર્લ્ડકપમાં ભારત શાનદાર ફોર્મમાં છે. ભારતે ગૃપ સ્ટેજની ત્રણેય મેચમાં શાનદાર જીત મેળવીને સુપર-8 માં સ્થાન મેળવી લીધું છે. અમેરિકા સામેની જીત સાથે ભારતે T20 વર્લ્ડ કપના સુપર-8માં પોતાનું સ્થાન બનાવી લીધું છે. આ જીત સાથે ભારતનું સુપર-8 શિડ્યુલ પણ ફાઈનલ થઈ ગયું છે. હવે એ સ્પષ્ટ છે કે ભારત તેના ગ્રુપ Aમાં નંબર વન પર રહેશે. મતલબ કે ટીમ ઈન્ડિયા સુપર-8માં ગ્રુપ 1 માં રહેશે. ભારતે ગ્રુપ સ્ટેજમાં પોતાની ત્રણેય મેચ જીતી છે. તેણે પાકિસ્તાન, આયર્લેન્ડ અને અમેરિકાને હરાવ્યા છે. ગ્રુપ સ્ટેજમાં તેની છેલ્લી મેચ કેનેડા સામે છે. ભારતીય ટીમ ગ્રુપ Aમાં 6 પોઈન્ટ સાથે પ્રથમ સ્થાને છે. તેનો નેટ રન રેટ 1.137 છે. અમેરિકાના 4 પોઈન્ટ છે અને નેટ રન રેટ 0.127 છે. જો અમેરિકા 100થી વધુ રનથી જીતી જાય તો પણ તે નેટ રન રેટમાં ભારતને પાછળ છોડી શકશે નહીં. એટલે કે ગ્રુપ સ્ટેજમાં ભારતનું નંબર-1 રહેવાનું નિશ્ચિત છે.

સુપર-8 મેચ 19 જૂનથી શરૂ થશે

T20 વર્લ્ડ કપની સુપર-8 મેચો 19 જૂનથી શરૂ થઈ રહી છે. સુપર-8ની 8 ટીમોને બે ગ્રૂપ (1 અને 2)માં વહેંચવામાં આવી છે. A1, B2, C1, D2 ને ગ્રુપ-1માં રાખવામાં આવ્યા છે. એ જ રીતે, A2, B1, C2 D1 ને ગ્રુપ-2માં રાખવામાં આવ્યા છે. મતલબ કે ભારતીય ટીમ ગ્રુપ 1 માં જ રહેશે.

ભારત 20 જૂને વેસ્ટ ઈન્ડિઝ અથવા અફઘાનિસ્તાન (C1) સામે ટકરાશે.

ICCના શેડ્યૂલ મુજબ સુપર-8માં A1 ટીમની ત્રણ મેચ અનુક્રમે 20, 22 અને 24 જૂને યોજાવાની છે. તે મુજબ ભારત 20 જૂને વેસ્ટ ઈન્ડિઝ અથવા અફઘાનિસ્તાન (C1) સામે ટકરાશે. ભારતીય ટીમ 22 જૂને શ્રીલંકા અથવા નેધરલેન્ડ્સ (D2) સામે ટકરાશે. દક્ષિણ આફ્રિકા ગ્રુપ D માં છે. ગ્રૂપ સ્ટેજના અંતે દક્ષિણ આફ્રિકા નંબર-1 રહે તેવી પૂરી સંભાવના છે. ગ્રુપ D માં તેની છેલ્લી મેચ નેપાળ સામે છે.

વધુ વાંચો : જ્યાં રમાઇ ભારત-અમેરિકા વચ્ચેની T20 વર્લ્ડકપ, તે સ્ટેડિયમ હવે નહીં રહે, પહોંચ્યા બુલડોઝર

એ જ રીતે ભારતીય ટીમને 24 જૂને ગ્રુપ B માં બીજા ક્રમની ટીમનો સામનો કરવો પડ્યો હતો. પરંતુ અહીં થોડી સુગમતા છે. ICCએ પહેલા જ સ્પષ્ટ કરી દીધું હતું કે સુપર-8માં ભારતને A1 અને ઓસ્ટ્રેલિયા B2 ગણવામાં આવશે. તેનો અર્થ એ છે કે, ઓસ્ટ્રેલિયા તેના ગ્રુપમાં પ્રથમ સ્થાને રહેશે તો પણ તેને B2 ગણવામાં આવશે. આ કારણે ભારત 24 જૂને ઓસ્ટ્રેલિયા સામે ટકરાશે. ગ્રુપ બીમાં બીજા સ્થાને રહેવા માટે સ્કોટલેન્ડ અને ઈંગ્લેન્ડ વચ્ચે સ્પર્ધા છે. ઓસ્ટ્રેલિયા અત્યારે આ ગ્રુપમાં 6 પોઈન્ટ સાથે પ્રથમ સ્થાને છે. સ્કોટલેન્ડ (5) બીજા સ્થાને નામિબિયા (2) ત્રીજા સ્થાને અને ઈંગ્લેન્ડ (1) ચોથા સ્થાને છે.