ક્રિકેટ / આવતીકાલથી ઓસ્ટ્રેલિયામાં T20 વર્લ્ડ કપ, 16 ટીમના કેપ્ટન એક ફ્રેમમાં થયા કેદ, જુઓ તસવીર

• આવતીકાલથી ક્રિકેટના મહાકૂંભની શરુઆત
• 16 ઓક્ટોબરથી ઓસ્ટ્રેલિયામાં ટી-20 વર્લ્ડ કપનો થશે આરંભ
• વર્લ્ડની 16 ટીમ ભાગ લેશે
• 16 ટીમના કેપ્ટને પડાવી સંયુક્ત તસવીર 

આવતીકાલથી ઓસ્ટ્રેલિયામાં શરુ થનાર T20 વર્લ્ડ કપની ઓપનિંગ સેરેમની પહેલા તેમાં ભાગ લેનારી 16 ટીમના કેપ્ટનનો એક સંયુક્ત ફોટો સામે આવ્યો હતો. ટૂર્નામેન્ટના ઉદ્ઘાટન પહેલા, ભાગ લેનારી 16 ટીમોના તમામ કેપ્ટન્સને 'કેપ્ટન્સ ડે' માં ભાગ લેવા માટે એક ફ્રેમમાં કેદ કરવામાં આવ્યા હતા, જ્યાં તેઓએ મીડિયા સાથે તેમની સંબંધિત ટીમોની તૈયારી વિશે વાત કરી હતી. આઇસીસીના ઓફિસિઅલ હેન્ડલે તમામ કેપ્ટનોની તસવીર એક ફ્રેમમાં શેયર કરી છે.ઈન્ટરનેશનલ ક્રિકેટ કાઉન્સિલે 16 કેપ્ટનની એક ફ્રેમની તસવીર શેર કરી હતી. તસવીર શેર કરતાં આઈસીસીએ લખ્યું કે તમામ 16 કેપ્ટન એક ફ્રેમમાં. 

All the 16 captains in one frame 📸 🤩#NewCoverPic | #T20WorldCup pic.twitter.com/WJXtu0JEvx

— ICC (@ICC) October 15, 2022

22 ઓક્ટોબરથી સુપર 12 રાઉન્ડની શરૂઆત
સુપર 12 રાઉન્ડની શરૂઆત 22 ઓક્ટોબરથી થશે, જેમાં ઓસ્ટ્રેલિયાનો મુકાબલો ન્યુઝીલેન્ડ સામે થશે. 23 ઓક્ટોબરે મેલબોર્ન ક્રિકેટ ગ્રાઉન્ડ પર કટ્ટર હરીફ ભારત અને પાકિસ્તાન આમને-સામને ટકરાશે. આંતરરાષ્ટ્રીય ક્રિકેટ કાઉન્સીલે પહેલેથી જ પુષ્ટિ કરી હતી કે, મેલબોર્નમાં 13 નવેમ્બરે યોજાનારા આઇસીસી મેન્સ ટી-20 વર્લ્ડ કપ-2022માં ચેમ્પિયન બનનારી ટીમ 16 લાખ ડોલરનો ચેક પોતાના ઘરે લઈ જશે.

ઓસ્ટ્રેલિયાના સાત સ્થળો પર 45 મેચ રમાશે 
16મી ઓક્ટોબરથી શરુ થનાર ટી20 વર્લ્ડ કપમાં ઓસ્ટ્રેલિયાના સાત સ્થળો પર રમાનારી 45 મેચોની ટુર્નામેન્ટના અંતે કુલ 5.6 લાખ ડોલરનું ઈનામ હતુ, જેમાંથી રનર્સઅપ ખેલાડીને 8,00,000 ડોલર અને સેમિ ફાઈનલીસ્ટને 4,00,000 ડોલર મળશે.સુપર 12 રાઉન્ડથી અફઘાનિસ્તાન, ઓસ્ટ્રેલિયા, બાંગ્લાદેશ, ઇંગ્લેન્ડ, ભારત, ન્યૂઝીલેન્ડ, પાકિસ્તાન અને દક્ષિણ આફ્રિકા પોતાના અભિયાનની શરૂઆત કરશે.