ભારતના સ્ટાર બેટર દીપક હુડ્ડાને ટી-20 વિશ્વ કપ પહેલા ઓસ્ટ્રેલિયા સામે સીરીઝ દરમ્યાન પીઠમાં ઈજા થઇ છે. બીસીસીઆઈએ પુષ્ટી કરી છે કે હુડ્ડા છેલ્લી મેચમાં પસંદગી માટે તૈયાર નથી.
દીપક હુડ્ડાને ટી-20 વિશ્વ કપ પહેલા સીરીઝ દરમ્યાન પીઠમાં થઇ ઈજા
બીસીસીઆઈની પુષ્ટી, હુડ્ડા ઓસ્ટ્રેલિયાની છેલ્લી મેચમાં પસંદગી માટે તૈયાર નથી
ઓસ્ટ્રેલિયા સામેની પ્રારંભિક બે મેચમાં પણ તક અપાઈ નથી
દીપક હુડ્ડ઼ાને ઈજા થઇ હોવાથી મેચ માટે પસંદગી થઇ નથી
ઓસ્ટ્રેલિયામાં યોજાનારા આગામી ટી-20 વર્લ્ડ કપને શરૂ થવામાં હવે થોડા અઠવાડિયાનો સમય બચ્યો છે. એવામાં બધી ટીમો પોતાની તૈયારીઓમાં લાગી ગઇ છે. પરંતુ આ દરમ્યાન ભારત માટે એક ખરાબ સમાચાર સામે આવ્યાં છે. ટીમના સ્ટાર બેટર દીપક હુડ્ડાને ઓસ્ટ્રેલિયા સામેની શ્રેણી દરમ્યાન ઈજા થઇ છે. બીસીસીઆઈએ ત્રીજી મેચમાં ટૉસ દરમ્યાન એક નિવેદન જાહેર કરીને આ વાતની પુષ્ટી કરી છે. બીસીસીઆઈએ નિવેદનમાં કહ્યું કે શ્રેણીની નિર્ણાયક મેચમાં ઈજા થઇ હોવાથી દીપક હુડ્ડા પસંદગી માટે તૈયાર નથી. બીસીસીઆઈએ ત્રીજી મેચ માટે પ્લેઈંગ ઈલેવનની તસ્વીર શેર કરતા લખ્યું, દીપક હુડ્ડા પીઠની ઈજાને કારણે ત્રીજી INDvAUS T20I માટે પસંદગી પામ્યા નથી.
દીપક હુડ્ડાને ઓસ્ટ્રેલિયા સામેની પ્રારંભિક બે મેચમાં તક અપાઈ નથી
દીપક હુડ્ડાની પીઠમાં ઈજા થઇ છે, પરંતુ આ ઈજા કેટલી ગંભીર અને હુડ્ડાને ફિટ થવામાં કેટલો સમય લાગશે. જેને લઇને બીસીસીઆઈ તરફથી કોઈ સ્પષ્ટીકરણ આપવામાં આવ્યું નથી. દીપક હુડ્ડા વર્લ્ડ કપ ટીમનો પણ ભાગ છે. દીપક હુડ્ડાને ઓસ્ટ્રેલિયા સામેની પ્રારંભિક બે મેચમાં તક આપવામાં આવી નથી. કારણકે એશિયા કપમાં રવિન્દ્ર જાડેજાની જગ્યાએ તેમને 7મા નંબરે તક મળી હતી. ત્યારબાદ ટીમ મેનેજમેન્ટે અક્ષર પટેલને તેમના સ્થાને રમવાનો નિર્ણય કર્યો.