પાકિસ્તાનની જાણીતી અભિનેત્રી સેહર શિનવારીએ ઑફર આપી છે કે જો તે આગામી મેચમાં ભારતીય ટીમને હરાવી નાખે તો તે ઝીમ્બાબ્વેના યુવક સાથે લગ્ન કરશે. ટી-20 વર્લ્ડ કપ 2022માં ભારત તેના અંતિમ સુપર-12 મેચમાં ઝીમ્બાબ્વે સામે 6 નવેમ્બરે ટકરાવવાનુ છે.
આગામી મેચમાં ભારતને હરાવશે તો ઝીમ્બાબ્વેના યુવક સાથે કરશે લગ્ન
ભારતીય ટીમ ઝીમ્બાબ્વે સામે 6 નવેમ્બરે ટકરાશે
પાકિસ્તાની અભિનેત્રી સેહર શિનવારીની આકર્ષક ઑફર
ટી-20 વર્લ્ડ કપ 2022નો રોમાંચ ચરમસીમાએ છે અને સુપર-12ની થોડી મેચ બાકી છે. પરંતુ અત્યારે પણ બંને ગ્રુપમાં સેમી ફાઈનલમાં પહોંચવા માટે દરેક ટીમ દાવ રમી રહી છે. કોઈનુ પણ નામ સત્તાવાર કન્ફર્મ થયુ નથી. ભારત સામે હાર્યા બાદ પાકિસ્તાન ઝીમ્બાબ્વે સામે હારી ગયુ હતુ અને હવે જ્યારે ઝીમ્બાબ્વેએ સાઉથ આફ્રિકાને હરાવ્યું તો તેની આશા લાગી ગઇ. જો કે, તેને ક્વોલિફાઈ કરવા માટે જરૂરી ફેક્ટ એ છે કે ઝીમ્બાબ્વેએ ભારત સામે જીતવુ પડશે. જેના માટે પાકિસ્તાની અભિનેત્રી સેહર શિનવારીએ એક આકર્ષક ઑફર પણ આપી છે.
સેહર શિનવારીએ ટ્વિટ કરીને ઝીમ્બાબ્વેને ઑફર આપી છે કે જો તેઓ આગામી મેચમાં ભારતીય ટીમને હરાવી દે છે તો તે ઝીમ્બાબ્વેના યુવક સાથે લગ્ન કરશે. તેમણે ટ્વિટ કર્યુ, હું ઝીમ્બાબ્વેના યુવક સાથે લગ્ન કરીશ. જો તેમની ટીમ પ્રભાવશાળી રીતે આગામી મેચમાં ભારતને હરાવી નાખે તો. ત્યારબાદ તેમના ટ્વિટે ઈન્ટરનેટ પર આગ લગાવી દીધી. હજારોની સંખ્યામાં લાઈક્સ મળ્યાં છે તો સેકડો લોકોએ રિટ્વિટ કર્યા છે.
ભારતીય ટીમ છેલ્લી મેચ ઝીમ્બાબ્વે સામે રમશે. આ મેચ સુપર-12ની અંતિમ હશે. આ મેચ 6 નવેમ્બરે મેલબર્ન ક્રિકેટ સ્ટેડિયમમાં રમાશે. એટલેકે આ મેચ એ જ હશે, જ્યાં ભારતીય ટીમે પાકિસ્તાન સામેની રોમાંચક મેચમાં 4 વિકેટથી જીત નોંધાવી હતી.