ટી-20 વર્લ્ડ કપ 2021નું આયોજન યુએઈ અને ઓમાનમાં થઇ રહ્યું છે. 17 ઓક્ટોબરથી શરૂ થતી આ ટુર્નામેન્ટ 16 નવેમ્બર સુધી ચાલશે. આ દરમ્યાન ખેલાડીઓ યુએઈ અને ઓમાનની આલીશાન હોટલોમાં રોકાયેલા છે.
ટી-20 વર્લ્ડ કપ 2021નું આયોજન યુએઈ અને ઓમાનમાં
ભારતીય ટીમે દુબઈની ધ 8 પામ હોટલમાં કર્યુ છે રોકાણ
આલિશાન હોટલનું એક દિવસનું ભાડું છે 30 થી 80 હજાર
ભારતીય ટીમે દુબઈની ધ 8 પામ હોટલમાં લીધો છે ઉતારો
ભારતીય ટીમ 24 ઓક્ટોબરે પાકિસ્તાન સામે પોતાની ટી-20 શ્રેણીની શરૂઆત કરશે. ભારતીય ટીમ દુબઈની ધ 8 પામ હોટલમાં રોકાયેલી છે. આ હોટલ પોતાનો લક્ઝરી સ્ટે, આકર્ષક વ્યૂ અને સારી સુખ સુવિધાઓના કારણે પણ ઓળખાય છે. આવો આજે અમે તમને આ હોટલની ખાસિયતો અંગે જણાવીશું. જેમાં ભારતીય ખેલાડીઓથી લઇને આખો સ્ટાફ રોકાયેલો છે.
હોટલમાંથી દુબઈના શાનદાર વ્યૂની માણી શકાય છે મજા
ટી-20 વર્લ્ડ કપ માટે ભારતીય ટીમ યુએઈની Th8 Palm હોટલમાં રોકાયેલી છે. આ હોટલમાં આઈપીએલ ફ્રેન્ચાઈઝી ચેન્નઈ સુપર કિંગ્સ રોકાઈ હતી. આ હોટલ દુબઈના વેસ્ટ પામ, ક્રિસેન્ટ રોડ જુમેરાહમાં આવેલી છે. આ આલીશાન હોટલ દુબઈની સારી પ્રોપર્ટીમાંથી એક છે. આ હોટલમાંથી ઉભા રહીને પામ જુમેરાહ અને દુબઈના શાનદાર વ્યૂની મજા માણી શકાય છે.
આ હોટલમાં 162 રૂમો અને વૈભવી સ્યુટ્સ છે. આ ઉપરાંત ઈન્ફિનિટી પુલ, વોટર સ્પોર્ટસ, સિગ્નેચર બીચફ્રન્ટ રેસ્ટોરાં, વીઆઈપી કબાના, આઉટડોર એન્ટરટેઈન્મેન્ટ ફીલ્ડ અને ઘણી સારી સુવિધાઓ છે. હોટલના દરેક રૂમ ખૂબ જ લક્ઝુરિયસ છે અને બહારના સારા વ્યૂને જોવા માટે કાચની પેનલ લગાવવામાં આવી છે. આ હોટલમાં દરરોજ રોકાવાનું ભાડું મિનિમમ 30,000 રૂપિયા છે અને સિઝનમાં આ ભાડું 50 થી 80 હજાર સુધી હોય છે.
આ હોટલમાં ઘણી રેસ્ટોરન્ટ છે
Th8 Palmમાં ઘણી રેસ્ટોરન્ટ છે, જ્યાં દરેક પ્રકારની વાનગીઓ પીરસવામાં આવે છે. અહીં ઈન્ડિયનથી લઇ વેસ્ટર્ન, કોન્ટિનેન્ટલ, અફઘાની ફૂડ અને અન્ય પ્રકારની સ્વાદીષ્ટ વાનગીઓ મળે છે. તાજેતરમાં ભારતીય ટીમના કેપ્ટન વિરાટ કોહલીની પત્ની અનુષ્કા શર્માએ આ હોટલની બાલકનીમાંથી એક તસ્વીર શેર કરી હતી. જેમાં વિરાટ ક્વોરોન્ટાઈન વખતે ક્યારેક અનુષ્કાને બાલ્કનીમાંથી તો ક્યારેક ગાર્ડનમાં મળવા આવતો હતો.
જીમ એરિયાની પણ સુવિધા
ખેલાડીઓ માટે અહીં ઘણાં પ્રકારના મશીનોની સાથે અમુક જીમ એરિયા આપવામાં આવ્યાં છે. ભારતીય ટીમના ખેલાડી ઉતારા દરમ્યાન પોતાને સ્વસ્થ રાખવા માટે તેનો ઉપયોગ કરે છે. એટલું જ નહીં, ક્વોરોન્ટાઈન દરમ્યાન ખેલાડીઓને રૂમની અંદર જીમની મશીનો આપવામાં આવી હતી.