T 20 World Cup 2021 / ભારતીય ટીમનો આ ઘાતક બોલર ન્યૂઝીલેન્ડ સામે આપશે ટક્કર, વિરાટ કોહલીનો છે ફેવરિટ

• કોહલીની આગેવાની વાળી ટીમ ન્યૂઝીલેન્ડ સામે ટકરાશે
• સેમી ફાઈનલમાં પહોંચવા માટે આ મેચ ખૂબ જ મહત્વપૂર્ણ
• ભારતનો આ આક્રમક બોલર ન્યૂઝીલેન્ડને હંફાવવાના કરશે પ્રયાસ

યોર્કર કિંગ છે આ બોલર

ભારતીય ટીમ માટે જીતનો દરવાજો આ ફાસ્ટ બોલર ખોલશે. જેનાથી પ્રતિસ્પર્ધી ટીમના ખેલાડીઓ હાંફી જાય છે. ભારતીય ટીમના સ્ટાર ઓલરાઉન્ડર જસપ્રીત બુમરાહ ન્યૂઝીલેન્ડ સામે હુકમનો એક્કો સાબિત થઇ શકે છે. બુમરાહ 140 કિમીથી વધુની ઝડપથી યોર્કર અને ધીમી ગતિ દ્વારા બોલિંગ પણ કરી શકે છે. ફાસ્ટ બોલિંગથી UAEની પિચમાં મોટો ફરક પડે છે. ક્રિકેટ જગતમાં બુમરાહથી સારો યોર્કર કોઈ ખેલાડી નાખતો નથી. તેમની લાઈન અને લેન્થ ખૂબ જ અદભૂત છે. બુમરાહ ન્યૂઝીલેન્ડ સામે મેચ વિનર સાબિત થઇ શકે છે.

UAEમાં રમવાનો અનુભવ

જસપ્રીત બુમરાહ આઈપીએલમાં મુંબઈ ઈન્ડિયન્સની જેમ રમે છે. બુમરાહે આઈપીએલમાં 14 મેચોમાં 21 વિકેટ લઇને ધમાકેદાર પ્રદર્શન કર્યુ છે. બુમરાહ ખૂબ જ આક્રમક બોલિંગ કરે છે. છેલ્લી ઓવરમાં તેમની બોલિંગ કરવાની કળા જોવાલાયક હોય છે. જ્યારે બુમરાહ પોતાની ધૂનમાં હોય છે ત્યારે મોટામાં મોટા બેટ્સમેન તેમની બોલિંગ પર ફટકો મારી શકતા નથી. આઈપીએલ 2021ની બીજો તબક્કો UAEમાં રમાયો હતો. બુમરાહને આ પિચ પર બોલિંગનો અનુભવ છે. 

ઈતિહાસ બદલવા માંગે છે ભારત

આજે ભારત દરેક સ્થિતિમાં ન્યુઝીલેન્ડને હરાવવા ઈચ્છશે. કારણકે સેમી ફાઈનલમાં જવા માટે આ મેચ ખૂબ મહત્વની છે. ભારત અને ન્યૂઝીલેન્ડ બંને ટીમો પાકિસ્તાન સામે એક-એક મેચ હારી ગઇ છે. એવામાં આ મેચમાં કાંટેની ટક્કર થવાની છે. ઉલ્લેખનીય છે કે, ભારતની પાસે સુવર્ણ તક છે, જે ન્યૂઝીલેન્ડ ટીમને હરાવી ઈતિહાસ બદલવા માંગે છે.