WC / T-20 વર્લ્ડ કપનુ શેડ્યૂલ જાહેર, જાણો ક્યારે અને કોની સામે રમશે ટીમ ઇન્ડિયા

T-20 ક્રિકેટના આ મહાકુંભનો કાર્યક્રમ જાહેર કરી દેવામાં આવ્યો છે. જોકે હજુ કેટલીક ટીમને ક્વૉલિફાઇંગ ટૂર્નામેન્ટ રમવી પડશે જે પછી તેઓ ટૂર્નામેન્ટમાં પ્રવેશ કરી શકશે.

તમને જણાવી દઇએ કે, શ્રીલંકા અને બાંગ્લાદેશની ટીમ ઓછા રેન્કિંગને કારણે ટૂર્નામેન્ટ માટે સીધી રીતે ક્વૉલિફાઇ નહી કરી શકે. એવામાં આ બંને ટીમને સુપર 12માં જગ્યા બનાવવા માટે ક્વૉલિફાઇંગ ટૂર્નામેન્ટ રમવી પડશે.

ઉલ્લેખનીય છે કે અત્યાર સુધી T-20 વર્લ્ડ કપ ટૂર્નામેન્ટ માટે યજમાન ઓસ્ટ્રેલિયા, ભારત, પાકિસ્તાન, ઇંગ્લેન્ડ, ન્યૂઝીલેન્ડ, સાઉથ આફ્રિકા, વેસ્ટ ઇન્ડિઝ અને અફધાનિસ્તાનની ટીમ પ્રવેશ મેળવી ચૂકી છે. તમને જણાવી દઇએ કે, વર્લ્ડ ટૂર્નામેન્ટમાં મેજબાન ટીમને સીધો પ્રવેશ મળે છે. જ્યારે અન્ય ટીમને રેન્કિંગ અને ક્વૉલિફાયર જીતવાના આધાર પર પ્રવેશ મળે છે.

ICC મેન T-20 વર્લ્ડ કપ 2020નો શેડ્યૂલ જારી કરવામાં આવ્યો છે, જે અનુસાર ઓસ્ટ્રેલિયામાં થનારી આ ટૂર્નામેન્ટ 18 ઓક્ટોબરથી શરૂ થશે અને 1 મહિનો ચાલશે. ટૂર્નામેન્ટની ફાઇનલ મેલબર્નમાં 15 નવેમ્બરના રમાશે. T-20 વર્લ્ડ કપમાં ટીમ ઇન્ડિયાની પહેલી મેચ 24 ઓક્ટોબર સાઉથ આફ્રિકાની સામે રમશે.