IPLIN
 
  • Home
  • Sports
  • Cricket
  • T20 series between India and Australia begins today, know how the pitch and playing-11 will be in the first match

IND vs AUS / આજે મોહાલીમાં ટકરાશે ભારત અને ઓસ્ટ્રેલિયા, વર્લ્ડકપ અગાઉ મહત્વની T20 સીરિઝ, જાણો કોણ રમશે ટીમમાં

Team VTV 11:20 AM, 20 Sep 22
Follow us
T20 series between India and Australia begins today, know how the pitch and playing-11 will be in the first match

ભારત અને ઓસ્ટ્રેલિયા વચ્ચે અત્યાર સુધીમાં કુલ 23 T20 ઈન્ટરનેશનલ મેચ રમાઈ છે અને તેમાં ભારતે 13 મેચ જીતી છે

  • ભારત અને ઓસ્ટ્રેલિયા વચ્ચે ત્રણ મેચની T20સીરિઝ આજથી શરૂ
  • પહેલી મેચ આજે સાંજે 7.00 વાગ્યે શરૂ થશે
  • ભારત અને ઓસ્ટ્રેલિયા વચ્ચે અત્યાર સુધીમાં કુલ 23 T20 ઈન્ટરનેશનલ મેચ રમાઈ

ભારત અને ઓસ્ટ્રેલિયા વચ્ચે ત્રણ મેચની T20સીરિઝ આજથી શરૂ થઈ રહી છે. આવતા ટી-20 વર્લ્ડ કપ માટે આ સીરિઝ ખૂબ જ મહત્વપૂર્ણ છે. જણાવી દઈએ કે ટીમ ઈન્ડિયા અહીં તેનું પરફેક્ટ પ્લેઈંગ-11 શોધવાનો પ્રયાસ કરશે અને તેના માટે ટીમ ઈન્ડિયાના દરેક ખેલાડીએ 100 ટકા આપીને રમવું પડશે પણ સામે ઓસ્ટ્રેલિયાની ટીમ પણ પોતાના વર્લ્ડ કપના ખિતાબને બચાવવા માટેની તૈયારીઓને અંતિમ સ્વરૂપ આપશે. બંને ટીમો વચ્ચેની ત્રણ મેચની T20સીરિઝની પહેલી મેચ આજે સાંજે 7.00 વાગ્યે શરૂ થશે. 

ભારત અને ઓસ્ટ્રેલિયા વચ્ચે અત્યાર સુધીમાં કુલ 23 T20 ઈન્ટરનેશનલ મેચ રમાઈ છે અને તેમાં ભારતે 13 મેચ જીતી છે અને ઓસ્ટ્રેલિયાએ 9 મેચ જીતી છે. એક મેચ ટાઈ રહી હતી. જણાવી દઈએ કે બંને ટીમ છેલ્લે ડિસેમ્બર 2020 માં સિડની ક્રિકેટ ગ્રાઉન્ડ પર આમનેસામને આવી હતી. એ મેચમાં ઓસ્ટ્રેલિયાએ ટીમ ઈન્ડિયાને 12 રનથી માત આપી હતી. જોકે એ T20સીરિઝનો ભાગ હતી તે સીરિઝ ટીમ ઈન્ડિયાએ 2-1થી જીતી હતી.

કેવી રહેશે આજે પિચ અને હવામાનની સ્થિતિ ?
ભારત અને ઓસ્ટ્રેલિયા વચ્ચે પ્રથમ મેચ મોહાલીના પંજાબ ક્રિકેટ એસોસિએશન આઈએસ બિન્દ્રા સ્ટેડિયમમાં રમવામાં આવશે. આ સ્ટેડિયમમાં 2018થી અત્યાર સુધી રમાયેલી 11 મેચોમાં 7 વખત ચેઝ કરનારી ટીમ જીતી છે. એટલે કે જે ટીમ ટોસ જીત્યા પછી પહેલા બોલિંગ કરવાનું પસંદ કરશે એ ટીમના જીતવાના ચાન્સ વધુ છે. હવામાનની સ્થિતિ વિશે વાત કરીએ તો પંજાબના મોહાલીમાં વાદળછાયું વાતાવરણ રહેશે અને એ સાથે જ વરસાદની પણ શક્યતા છે.

આવી હશે બંને ટીમની પ્લેઈંગ-11
ટીમ ઈન્ડિયાઃ રોહિત શર્મા, કેએલ રાહુલ, વિરાટ કોહલી, સૂર્યકુમાર યાદવ, હાર્દિક પંડ્યા, દિનેશ કાર્તિક, અક્ષર પટેલ, ભુવનેશ્વર કુમાર, હર્ષલ પટેલ, યુઝવેન્દ્ર ચહલ, જસપ્રિત બુમરાહ. 
ઑસ્ટ્રેલિયા: એરોન ફિન્ચ, જોસ ઇંગ્લિસ, સ્ટીવન સ્મિથ, ગ્લેન મેક્સવેલ, મેથ્યુ વેડ, ટિમ ડેવિડ, કેમેરોન ગ્રીન, એડમ ઝમ્પા, પેટ કમિન્સ, જોસ હેઝલવુડ, સીન એબોટ.

ભારત અને ઓસ્ટ્રેલિયા T20 Series IND Vs AUS
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ