દેશમાં કોરોનાની સાથે સાથે હવે મંકીપોક્સના કેસો પણ વધતા જાય છે. ત્યારે હવે બિહારમાંથી પણ એક શંકાસ્પદ કેસ જોવા મળ્યો છે.
બિહારમાંથી આવ્યો મંકીપોક્સનો શંકાસ્પદ કેસ
સેમ્પલ લઈ પટના મેડિકલ કોલેજમાં મોકલ્યા
કેન્દ્ર સરકારે ખતરો જોતા બિહારને એલર્ટ પર રહેવા આપ્યા આદેશ
બિહારના પટનામાંથી મંકીપોક્સનો એક શંકાસ્પદ કેસ સામે આવતા સ્વાસ્થ્ય વિભાગમાં હડકંપ મચી ગયો છે. શંકાસ્પદ મહિલા પટના સિટીના ગુડહટ્ટા એરિયાની રહેવાસી છે. દર્દીના સેમ્પલ તપાસ માટે પટના મેડિકલ કોલેજમાં મોકલવામાં આવ્યા છે. આ બાજૂ કેન્દ્ર સરાકર પણ મંકીપોક્સને લઈને બિહાર સરકારને એલર્ટ રહેવા જણાવ્યું છે. સંભવિત ખતરાને જોતા બિહાર સરકારે તૈયારીઓમાં લાગી ગઈ છે.
પટના પર મંડરાયો મંકીપોક્સનો ખતરો
પ્રથમ શંકાસ્પદ દર્દી મળ્યા બાદ સમગ્ર બિહારમાં એલર્ટ જાહેર કરવામાં આવ્યું છે. પટના સિવિલ સર્જને જાણકારી આપી છ કે, સસ્પેક્ટ મહિલા છે. તેના સેમ્પલ માટે 4 લોકોની ટીમ બનાવીને કલેક્ટ કરવામાં આવ્યા છે. સાવધાની માટે કડક પગલા ઉઠાવવામાં આવી રહ્યા છે. સ્વાસ્થ્ય મંત્રી મંગલ પાંડેએ કહ્યું છે કે, બિહાર સરકાર તૈયાર છે. તેને લઈને ઉચ્ચ અધિકારીઓ સાથે બેઠક બોલાવી જરૂરી દિશા-નિર્દેશો આપી દેવામાં આવ્યા છે.
મંકીપોક્સને લઈને હાઈ લેવલની મીટિંગ
બિહારમાં એક બાજૂ કોરોનાનું સંક્રમણ વધી રહ્યું છે, તો વળી બીજી તરફ મંકીપોક્સનો ખતરો જોતા કેન્દ્ર સરકારે 3 દિવસ પહેલા બિહાર સરકારને એલર્ટ જાહેર કર્યું હતું. બિહાર સરકાર પર તૈયારીમાં લાગી ગયુ છે. રાજ્યમાં કોરોના વાયરસનો ખતરો પણ છે. મુખ્યમંત્રી નીતિશ કુમાર પણ કોરોનાથી સંક્રમિત થયા છે. મંગલ પાંડેએ કહ્યું કે, તમામ જિલ્લાના સિવિલ સર્જન અને મેડિકલ કોલેજના સુપરિટેંડેટની સાથે બેઠક કરીને ગાઈડલાઈનનું પાલન કરવાના નિર્દેશ આપ્યા છે.