ગુજરાતમાં મંકીપોક્સનો શંકાસ્પદ કેસ સામે આવ્યો,જામનગરના શંકાસ્પદ દર્દીના સેમ્પલ લઈ ગાંધીનગર મોકલાયા, ગુરૂ ગોવિંદસિંહ હોસ્પિટલમાં છે એડમિટ
ગુજરાતમાં મંકીપોક્સનો શંકાસ્પદ કેસ સામે આવ્યો
જામનગરની ગુરૂ ગોવિંદસિંહ હોસ્પિટલમાં દર્દીનો કેસ
મંકીપોક્સ વાયરસના દરરોજ નવા કેસ મળવાથી પુરી દુનિયામાં હડકંપ મચી ગયો છે. ત્યારે ભારતમાં મંકિપોક્સની એન્ટ્રી થઈ ચૂકી છે ત્યારે ગુજરાતમાં પણ તેનો ખતરો તોળાઈ રહ્યો છે. તેવામાં રાજ્યમાં મંકીપોક્સનો શંકાસ્પદ કેસ દેખાતા આરોગ્ય વિભાગમાં હડકંપ મચ્યો છે. જામનગરના શંકાસ્પદ દર્દીના સેમ્પલ લઈ ગાંધીનગર લેબમાં મોકલવામાં આવ્યા છે. હાલ શંકાસ્પદ દર્દી જામનગરની ગુરૂ ગોવિંદસિંહ હોસ્પિટલમાં સારવાર હેઠળ છે. તેની ટ્રાવેલ હિસ્ટ્રીની તપાસ કરાઇ રહી છે. આપને જણાવી દઈએ કે ભારતમાં મંકિપોક્સના 8થી વધુ કેસો નોંધાઈ ચૂક્યા છે.
સેમ્પલ લેબોરેટરીમાં મોકલાયા, હજુ સુધી કોઈ મંકીપોક્સનો કેસ નથી નોંધાયો: મનોજ અગ્રવાલ, આરોગ્ય વિભાગના ACS
મંકી પોક્સ વાયરસને લઇ રાજ્ય આરોગ્ય વિભાગ એલર્ટ મોડમાં આવ્યું ગયું છે. જામનગર હોસ્પિટલમાં શંકાસ્પદ દર્દી દાખલ કરી દેવામાં આવ્યો છે. ત્યારે આરોગ્ય વિભાગના ACS મનોજ અગ્રવાલનું નિવેદન સામે આવ્યું છે. ગુજરાતમાં હજી સુધી કોઇ મંકીપોક્સનો કેસ નોંધાયો નથી. જામનગરથી એક સેમ્પલ અમદાવાદ મોકલાયું હતું તે દર્દી 29 વર્ષનો યુવક છે. સેમ્પલ લેબોરેટરીમાં તપાસ માટે મોકલાયો છે માટે રિપોર્ટ આવ્યા બાદ જ કન્ફર્મ કરી શકાશે.
ઇન્ટરનેશનલ એરપોર્ટ પર સ્ક્રીનિંગ થઈ રહ્યું છે: ઇન્ટરનેશનલ એરપોર્ટ પર સ્ક્રીનિંગ શરૂ
મંકીપોક્સ સૌપ્રથમ આફ્રિકામાં જોવા મળ્યો હતો. સ્કીન ટુ સ્કીન ટચથી વાયરસ ફેલાય છે. યુરોપ, કેનેડા, US, આફ્રિકામાં કેસ વધારે જોવા મળ્યા છે. પણ રાહતની વાત એ છે કે ડેન્માર્કની એક કંપનીએ વેક્સિન બનાવી છે. આ વાયરસની ચોક્કસ દવા હોતી નથી. તાવ, ઉધરસ જેવા લક્ષણો જોવા મળે છે. કેન્દ્ર સરકાર તરફથી રાજ્યોને એલર્ટ કરાયા છે. ઇન્ટરનેશનલ એરપોર્ટ પર સ્ક્રીનિંગ શરૂ કરાઇ છેતમામ મુસાફરોના સ્ક્રીનિંગ કરવામાં આવી રહ્યું છે. કેન્દ્ર સરકારે એરપોર્ટ પર નોડલ અધિકારીઓ મૂકી ડોક્ટર્સ અને હોસ્પિટલને પણ સૂચના આપી છે. લક્ષણોવાળો કોઇ વ્યક્તિ દેખાય તો સેમ્પલ કલેક્ટ કરી તાત્કાલિક આરોગ્ય વિભાગને જાણ કરવા માટે સૂચના અપાઇ છે.
ઝડપથી ફેલાવાનું કારણ ?
વાયરસના ઝડપથી ફેલાવાનું કારણ એવું માનવામાં આવી રહ્યું છે કે કોવિડ ગાઈડલાઈન્સ હટ્યા પછી લોકો બેદરકારીથી આમ-તેમ ફરી રહ્યા છે.
શું છે મંકીપોક્સ વાયરસ ?
આ રોગ મંકીપોક્સ નામના વાયરસથી ફેલાય છે. તેનું સંક્રમણ કેટલીક હદ સુધી માણસોમાં અછબડા સમાન છે. મંકીપોક્સની શોધ 1958માં વાંદરાઓના એક સમુહથી થઈ હતી, જેના કારણે તેને મંકીપોક્સ નામ આપવામાં આવ્યુ હતું.
શું છે મંકીપોક્સ રોગના લક્ષણો ?
યુએસ સેંટર ફોર ડિસીઝ કન્ટ્રોલ એન્ડ પ્રિવેન્શન (સીડીસી) મુજબ, રોગ ઘણીવાર ફ્લુ જેવા લક્ષણો જેવાકે તાવ, માંસપેશિઓમાં દુ:ખાવો સોજા અને લસિકા ગાંઠોથી શરૂ થાય છે. આની પહેલા ચેહરા તેમજ શરીર પર ચિકન પોક્સ જેવી ફોલ્લીઓ નીકળે છે.
આ વાયરસ કેવી રીતે ફેલાય શકે છે ?
સીડીસી અનુસાર આ રોગ કોઈ સંક્રમિત વ્યક્તિના શારીરિક પ્રવાહી, ઘા કે પછી શેર કરવામાં આવેલી વસ્તુઓના સંપર્કથી ફેલાય શકે છે.
મંકીપોક્સથી બચવા શું કરવુ ?
સંક્રમિત દર્દીઓથી દૂર રહેવું
જો તમે ચેપગ્રસ્ત વ્યક્તિની આસપાસ હોવ તો માસ્ક પહેરો અને ગ્લોવ્ઝનો ઉપયોગ કરવો
સાબુ અથવા સેનિટાઈઝર વડે હાથ ધોવાનું રાખો.
મંકીપોક્સથી સંક્રમિત દર્દી સાથે શારિરીક સંબંધ ન રાખો
આવી ભૂલો ક્યારેય ન કરવી
મંકીપોક્સના દર્દીના સંપર્કમાં આવેલા કોઈપણ વ્યક્તિ સાથે તમારો ટુવાલ શેર કરશો નહીં
ચેપગ્રસ્ત વ્યક્તિના કપડાને અલગ રાખવા, તમારા કપડા સાથે ધોવા નહીં
જો તમને કોઇ લક્ષણો હોય તો કોઈપણ જાહેર કાર્યક્રમ અથવા મીટિંગમાં જવાનું ટાળો
લોકોને ખોટી માહિતીના આધારે ડરાવશો નહીં
તમારા કપ અને ખોરાકને મંકીપોક્સના દર્દી સાથે શેર કરશો નહીં
આ વાયરસથી કેવી રીતે બચી શકાય ?
જો કોઈ વ્યક્તિમાં આ પ્રકારના લક્ષણો જોવા મળે તો તેના સંપર્કમાં ન આવો. સાથે જ તેના દ્ધારા ઉપયોગમાં લેવાયેલ કોઈ પણ વસ્તુ ન વાપરવી જોઈએ. આ ઉપરાંત આ પ્રકારના કોઈ પણ કેસની જાણકારી મળે તો તરત જ સ્વાસ્થ્ય વિભાગનો સંપર્ક કરો.
80 દેશોમાં ફેલાયો મંકિપોક્સ
WHOના જણાવ્યા અનુસાર મંકીપોક્સ પશુઓ મંકીપોક્સ પશુઓથી મનુષ્યોમાં ફેલાવવાળી સંક્રમિત બિમારી છે અને તેના લક્ષણ ચેચકના દર્દીઓ જેવા હોય છે. આ બીમારી મોટા ભાગે પશ્ચિમી અને મઘ્ય અમેરિકામાં જોવા મળે છે. પરંતુ અત્યાર સુધી આ રોગ 80 દેશોના 21 હજાર નાગરિકોમાં ફેલાઈ ચુક્યો છે. જેમાંથી ભારત તેમજ ગુજરાત પણ હવે બાકાત નથી