ઓઇલી અને તીખુ તળેલુ ખાવાથી કોલેસ્ટ્રોલનું જોખમ વધ્યુ છે તેવામાં જો શરીરમાં હાઇ કોલેસ્ટ્રોલ થવા લાગે તો આ સંકેતોને ભૂલથી ન અવગણવા
શરીરમાં જોવા મળે છે આ સંકેત
હાઇ કોલેસ્ટ્રોલ શરીર માટે જોખમી
પગમાં જોવા મળે આ સંકેત થઇ જજો સાવધાન
આજના ફાસ્ટ યુગમાં આપણે જંકફૂડ પાછળ ભાગીએ છીએ. કારણ કે લોકો પાસે સમયનો અભાવ હોવાથી બજારમાં તાત્કાલિક જે મળે તે ખાઇ લે છે. તીખુ અને તળેલુ વધારે હોવાથી લોકોને પાછી બીમારીઓ પણ એટલી જ થાય છે. કોલેસ્ટ્રોલ વધવા લાગે છે. કારણ કે એક્સરસાઇઝ તો કોઇ કરવામાં માનતુ જ નથી. તેવામાં હાઇબીપી, ડાયાબિટીસ, હાર્ટએટેક, કોરોનરી આર્ટરી ડિસીઝનો ખતરો વધી જાય છે. ત્યારે આવી સ્થિતિમાં શરીરીમાં બેડ કોલેસ્ટ્રોલ વધી રહ્યુ છે તેની જાણ આપણે કેવી રીતે કરવી તે જાણીએ.
હાઇ કોલેસ્ટ્રોલના હોવાના સંકેત
જો કે શરીરમાં વધતા ખરાબ બેડ કોલેસ્ટ્રોલની સાચી તપાસ ફક્ત બ્લડ ટેસ્ટ દ્વારા જ કરી શકાય છે, પરંતુ કેટલીકવાર આવી કેટલીક સમસ્યાઓ જો શરીરમાં જોવા મળે તો તે કોલેસ્ટ્રોલ વધી રહ્યુ હોવાના સંકેતો આપે છે. જ્યારે પગ દુ:ખવા લાગે ત્યારે લાપરવાહી ન રાખવી કારણ કે તે પણ ખરાબ કોલેસ્ટ્રોલની નિશાની હોઇ શકે છે.
1. આપણે બધા જાણીએ છીએ કે હાઈ કોલેસ્ટ્રોલની સ્થિતિમાં આપણા શરીરના જ્ઞાનતંતુઓ બ્લોક થવા લાગે છે. આ જ સ્થિતિ પગની નસો સાથે પણ થાય છે. જેના કારણે ઓક્સિજન શરીરના સૌથી નીચલા ભાગો સુધી પહોંચતું નથી પરિણામે તીવ્ર પીડા થવા લાગે છે .
2. જ્યારે શરીરમાં ખરાબ કોલેસ્ટ્રોલનું સ્તર વધવા લાગે છે, ત્યારે તે વ્યક્તિને પગમાં ખેંચાણ અનુભવે છે. ઘણી વખત રાત્રે સૂતી વખતે પગમાં ભારે દુખાવો થાય છે, જો કે થોડીવાર ઊભા રહેવાથી લોહીનો પ્રવાહ બરાબર થઈ જાય છે. અને તે પીડાને દૂર થઇ જાય છે.
3. વધતા કોલેસ્ટ્રોલના સૌથી આઘાતજનક લક્ષણોમાંનું એક પગ અને નખના રંગમાં ફેરફાર છે, ઘણીવાર તેઓ પીળા થવા લાગે છે. પગમાં લોહીનો પુરવઠો યોગ્ય રીતે ન થવાને કારણે આવું થાય છે.
4. શિયાળામાં પગ ઠંડા થવા તે સામાન્ય બાબત છે પરંતુ જો ઉનાળામાં કે સામાન્ય તાપમાનમાં પણ પગ અચાનક ઠંડા થવા લાગે તો સમજવું કે આ ખતરાની નિશાની છે અને તરત જ ડૉક્ટરનો સંપર્ક કરવો જરૂરી છે.