ડાયાબિટીસનું નામ સાંભળતા જ લોકો ફફડી ઉઠે છે. એકવાર આ બીમારી થાય પછી તેનાથી છુટકારો મેળવવો ખૂબ જ મુશ્કેલ છે. આજકાલ ઘણાં બધાં લોકો આ બીમારીના શિકાર થઈ રહ્યાં છે. ડાયાબિટીસ બ્લડ શુગર લેવલને પ્રભાવિત કરે છે. જો તમે ખાવાપીવામાં બેદરકારી કરો તો તે અન્ય અંગોને પણ અસર કરે છે.
આજકાલ ઘણાં લોકો ડાયાબિટીસના શિકાર થઈ રહ્યાં છે
ખાનપાનની ખોટી આદતો આ રોગ નોતરે છે
આ લક્ષણો વહેલાંસર ઓળખી લેવા છે જરૂરી
સંકેત
વારંવાર યૂરિન આવવું
આ ડાયાબિટીસનું સૌથી સામાન્ય લક્ષણ છે. તેમાં વારંવાર યૂરિન આવે છે અને તેનો રંગ પણ પીળો હોય છે. યૂરિન પર પાણી નાખવાનું રહી જાય તો તેના પર કીડીઓ થાય તો સમજો તમને ડાયાબિટીસ છે.
ઘા જલ્દી ના રૂઝાવો
ડાયાબિટીસના દર્દીઓને કંઈપણ વાગી જાય તો જલ્દી રૂઝ નથી આવતી. વારંવાર ખુજલી કરતાં રહેવાથી પણ નિશાન લાંબા સમય સુધી જતો નથી.
દ્રષ્ટિ નબળી થવી
ડાયાબિટીસ શરીરના અલગ અલગ અંગો પર અસર કરે છે. સૌથી પહેલાં તે આંખો પર અસર કરે છે. આંખોની રોશની ઓછી થવા લાગે છે. તો તમને પણ અચાનક દેખાતું ઓછું થઈ જાય તો આ ડાયાબિટીસનો સંકેત હોઈ શકે છે.
વારંવાર ભૂખ લાગવી
વારંવાર ભૂખ લાગવી ડાયાબિટીસનો લક્ષણ છે. ઘણી વખત પેટ ભરીને જમ્યા બાદ પણ ભૂખ શાંત થતી નથી.
પેઢામાં લોહી આવવું
જો તમને પેઢામાં સતત સોજો આવે છે તો અને લોહી પણ નીકળે છે તો આ ડાયાબિટીસનું લક્ષણ હોઈ શકે છે. એવામાં તરત શુગર ટેસ્ટ કરાવવું.
વારંવાર મો સૂકાઈ જવું
આ પણ ડાયાબિટીસ હોવાનો લક્ષણ માની શકાય છે. થોડી થોડી વારે એવું લાગવું કે તમારું મો સૂકાઈ જાય છે. તો ડોક્ટરને બતાવવું.