કોઠારિયા વિસ્તારના રહીશોએ મ.ન.પા. ખાતે કર્યો હોબાળો 'સુવિધા મળશે તો જ ભરાશે વેરો'

રાજકોટઃ મહાનગર પાલિકા ખાતે કોઠારિયા વિસ્તારના નાગરિકોએ હોબાળો મચાવ્યો હતો. વોર્ડ નં-12 અને 18ના નાગરિકોએ પાલિકા દ્વારા વધારે વેરો આકારવા મુદ્દે હોબાળો મચાવ્યો હતો.

નાગરિકોએ મનપાના પટાંગણમાં જ વેરાબિલોની હોળી કરી વિરોધ વ્યક્ત કર્યો હતો. કોઠારિયાના રહીશોનો આક્ષેપ હતો કે પાણી રોડ-રસ્તા અને ડ્રેનેજની સુવિધા તંત્ર દ્વારા આપવામાં આવતી નથી.

જેટલામાં સુવિધા છે ત્યાં પણ સંતોષકારક નથી પ્રાથમિક સુવિધાનો આ વિસ્તારમાં અભાવ છે. ત્યારે ગરીબ લોકો વેરા બોજ સહન કરી શકે તેમ નથી.

જો આગામી દિવસોમાં પ્રાથમિક પ્રશ્નોનો નિકાલ આવશે તો જ વેરો ભરવામા આવશે તેવી રહીશો દ્વારા ચિમકી ઉચ્ચારવામાં આવી હતી.