પેટ્રોલ, ડીઝલ, સીએનજી અને ઇલેક્ટ્રિક બાદ ફ્લાઇંગ કાર બજારમાં આવવા લાગી છે. અમેરિકાના બજારમાં પહેલી ફ્લાઇંગ કાર છે જેને તમે ખરીદી શકો છો.
હવે સમાન્ય માણસ પણ ખરીદી શકશે ફ્લાઇંગ કાર
Switchblade નામની કંપની ફ્લાઇંગ કાર વેચી રહી છે
તમારે કાર માટે લગભગ 1.35 કરોડ રૂપિયાનો ખર્ચ કરવો પડશે
પેટ્રોલ, ડીઝલ, સીએનજી અને ઇલેક્ટ્રિક બાદ ફ્લાઇંગ કાર બજારમાં આવવા લાગી છે. અત્યાર સુધી તમે આવી કાર્સની સ્ટોરી સાંભળી હશે કે પછી કોઇ ફિલ્મ કે કાર્ટૂનમાં જોઇ હશે. પરંતુ હવે આ વાસ્તવિકતા છે. તમે તમારા માટે ઉડતી કાર ખરીદી શકો છો. ઉડતી કારનો સીધો અર્થ એ છે કે આવી કાર, જેને તમે રસ્તા પર ચલાવી શકો છો અને આકાશમાં પણ ઉડી શકો છો.
અમેરિકાના બજારમાં પહેલી ફ્લાઇંગ કાર
Switchblade અમેરિકાના બજારમાં પહેલી ફ્લાઇંગ કાર છે જેને તમે ખરીદી શકો છો. આ કારનું બુકિંગ પણ લગભગ બે હજાર લોકોએ કરાવ્યું છે. Samson Skyએ આ કારને બનાવવામાં 14 વર્ષ વિતાવ્યા હતા. આટલા વર્ષો સુધી ડિઝાઇન, આર એન્ડ ડી અને ફંડ રેઇઝિંગ પર કામ કર્યા બાદ Samson Skyની પહેલી ફ્લાઇંગ કારે હાઇ સ્પીડ ટેક્સી ટેસ્ટિંગ પૂર્ણ કર્યું છે. આ કારને 87mphની સ્પીડે ઉડાડવામાં આવી છે તેમજ બ્રેક ટેસ્ટિંગ પણ કરવામાં આવ્યું છે.
તે કાર છે કે વિમાન?
તમે તેને બંને કહી શકો છો. એટલે કે તે એક કાર અને પ્લેન પણ છે. અમેરિકી બજારમાં આ કારને ત્રણ પૈડાંવાળી મોટરસાઈકલની યાદીમાં મૂકવામાં આવી છે, પરંતુ તે ઉડી પણ શકે છે. કારમાં તમને પાઇલટ અને પેસેન્જરની જગ્યા મળે છે. તમે તેને રસ્તા પર પણ ચલાવી શકો છો અને આકાશમાં પણ ઉડાવી શકો છો.
આટલું સહેલું પણ નહોતું
ઉડતી કારને વાસ્તવિકતામાં ફેરવવી તે ખૂબ જ ઉત્તેજક છે. પરંતુ આ એક એવી ઇચ્છા છે, જે પૂરી થયા પછી પણ અધૂરી છે. તેનો ઉપયોગ કરવા માટે તમારે રનવેની જરૂર પડશે. એટલે કે કાયદાકીય રીતે તમે ફ્લાઇટના પ્રોટોકોલનું પાલન કરીને જ તેને ઉડાવી શકશો. આનો અર્થ એ પણ છે કે કારનું ટેક ઓફ અને ટેક ડાઉન લોકેશન વિમાન જેવું જ હશે.
તમે આ કાર ક્યાં ઉડાડી શકો છો?
આ પ્રશ્ન ઘણા લોકોના મનમાં આવતો હશે. બાય ધ વે, કંપની કહે છે કે 'તમે જ્યાં ઇચ્છો ત્યાં ઉડી શકો છો'. પણ એ વાસ્તવિકતા નથી. હાલ અમેરિકામાં ખાનગી ફ્લાઇંગ ટેક્સી માટે કોઇ ખાસ સુવિધા વિકસાવવામાં આવી નથી. આ સિવાય કાર માલિકો એરપોર્ટ પર તેમના સ્લોટ્સ કેવી રીતે બુક કરાવશે તે વિશે કોઈ માહિતી નથી.
શું તમારે કાર જાતે બનાવવી પડશે?
આસમાન માટે સ્વિચબ્લેડનું રજિસ્ટ્રેશન પ્રાયોગિક હોમબિલ્ટ એરક્રાફ્ટ છે, જ્યારે રસ્તા પર તેનું રજિસ્ટ્રેશન કસ્ટમ મોટરસાઇકલ અથવા કિટ કાર છે. તેથી, જે લોકો તેને ખરીદે છે, તેમણે આ કાર જાતે બનાવવી પડશે. કંપનીના જણાવ્યા અનુસાર, આ કારને તૈયાર કરવામાં સામાન્ય માણસને બે હજાર કલાકનો સમય લાગશે. અથવા તો તેઓ ઇચ્છે તો સેમસન બિલ્ડર આસિસ્ટ સેન્ટરની મદદ લઇ શકે છે. જ્યાં કંપનીનો દાવો છે કે તેમને એક સપ્તાહનો સમય લાગશે.
શું તમને લાઇસન્સની જરૂર પડશે?
આ સવાલ તમારા મનમાં આવી શકે છે. કારણ કે મોટાભાગના લોકો પાસે કાર ચલાવવાનું લાયસન્સ હશે. પરંતુ તેને ચલાવવા માટે તમારે કાર અને એવિએશન બંને માટે લાયસન્સની જરૂર પડશે. કંપનીએ કહ્યું છે કે, તેની કાર બુક કરાવનારા 20 ટકા લોકો નોન પાઇલટ છે.
કિંમત કેટલી છે?
હવે વાત કરીએ કારની કિંમતની. તમારા માટે એક કરોડ કે બે કરોડ રૂપિયાની કાર સાંભળવી સામાન્ય વાત હોઈ શકે છે. તેની કિંમત પણ એટલી જ છે. આ માટે તમારે 1.7 લાખ ડોલર (લગભગ 1.35 કરોડ રૂપિયા)નો ખર્ચ કરવો પડશે. જો કે આ તેની અંદાજિત કિંમત છે.