વાયરલ / સ્વિગી ડિલિવરી બોય બન્યો 'ટ્રાફિક પોલીસમેન', ટ્રાફિક જામ વચ્ચે કર્યું એવું કામ કે સોશિયલ મીડિયા પર છવાયો

• રસ્તા પર થયો હતો ટ્રાફિક જામ
• ડિલીવરી બોયને ઓર્ડર પહોંચાડવામાં થતુ હતુ મોડુ
• ડિલીવરી બોય બની ગયો ટ્રાફિક પોલીસકર્મી

સ્વિગી ડિલીવરી બોય ટ્રાફિક પોલીસકર્મીની ભૂમિકામાં દેખાયો 

સ્વિગી ડિલીવરી બોયનો એક વીડિયો હાલમાં સોશિયલ મીડિયામાં વાયરલ થઇ રહ્યો છે, જેમાં તે ટ્રાફિક પોલીસકર્મીની ભૂમિકામાં દેખાઈ રહ્યો છે. 30 મિનિટ સુધી રહેલો ટ્રાફિક ડિલીવરી બોયને કારણે પૂર્ણ થઇ ગયો અને લોકો આગળ વધી શક્યા. યુઝર્સ આ કામ માટે તેના ખૂબ વખાણ કરી રહ્યાં છે. 

ડિલીવરી બોય ટ્રાફિક ઘટાડી રહ્યો હતો

શ્રીજીત નાયર નામના શખ્સે લિંક્ડઈન પર આ વીડિયો શેર કર્યો છે. જેમાં સ્વિગીના ડિલીવરી બોયને ભારે ટ્રાફિક સામે લડવામાં મદદ કરતા જોઇ શકાય છે. નાયરે કહ્યું, હું અડધા કલાકથી વધારે સમય સુધી ટ્રાફિકમાં ફસાયેલો હતો. અચાનક ટ્રાફિક હટી ગયો. આગળ જઇને મેં જોયુ કે ડિલીવરી બોય ટ્રાફિક પોલીસકર્મીની ભૂમિકા નિભાવી રહ્યો છે. 

આ તો અસલી ડિલીવરી હીરો 

યુઝર્સની વચ્ચે આ વીડિયો વધુ શેર કરવામાં આવ્યો છે. યુઝર્સ આ ડિલીવરી બોયના પણ ખૂબ વખાણ કરી રહ્યાં છે. ઘણા લોકો તેને અસલી ડિલીવરી હીરો ગણાવી રહ્યાં છે. આ પોસ્ટ પર પ્રતિક્રિયા આપતા સ્વિગીએ લખ્યું, બધા હીરો ટોપી પહેરતા નથી. અમુક સ્વિગી જેકેટ પહેરે છે.