દારૂની ડિલિવરી / તમે ઓનલાઈન ફૂડ મંગાવો છો? તો ધ્યાન રાખજો દારૂ ન હોય! વડોદરાનો ચોંકાવનારો કિસ્સો

હાલ શહેરોમાં ઓનલાઈન ફૂડ ઓર્ડર કરવાનો એક નવો જ ટ્રેન્ડ શરૂ થયો છે. જો કે ડિજિટલ યુગના જમાનામાં આ ટ્રેન્ડ ખોટો પણ નથી. પરંતુ જો તમે પણ ઓનલાઈન ફૂડ મંગાવતા હોય તો આ ખબર તમારા માટે એટલી જ મહત્વની છે. 

વાત છે વડોદરાની જ્યાં SWIGGYના ડિલિવરી બોયે ફૂડ ડિલિવરી ઓર્ડર કરવાની આડમાં દારૂની હેરાફેરી કરતો હોવાનું સામે આવ્યું છે. આ ડિલિવરી બોય બીયરની હેરાફેરી કરતો પોલીસના હાથે ઝડપાયો હતો. જેની પાસેથી પોલીસે 6 બિયર ટીન પણ કબ્જે કર્યા હતા. આ સમગ્ર ઘટના લક્ષ્મીપુરા પોલીસે ઝડપી પાડી હતી.

વડોદરા શહેરના લક્ષ્મણપુરામાં રહેતા રાહુલ સ્વિગીમાં ડિલિવરી બોયની નોકરી કરતો હતો. ત્યારબાદ તેમણે ફૂડ ડિલિવરીની આડમાં બિયરનો ધંધો પણ શરૂ કરી દીધો હતો. રાહુલ પર્સનલ નંબર આપતો હતો. ત્યારબાદ તે ગ્રાહકની ફૂડ ડિલિવરીની સાથે બિયરની પણ ડિલિવરી કરતો હતો. 

જોકે પોલીસને રાહુલની કરતૂતની બાતમી મળતા તેમણે રાહુલ પર નજર રાખી હતી અને તેને રંગેહાથ 6 બિયર સાથે ઝડપી પાડ્યો હતો.