સ્વિગી અને ઝોમેટો ફૂડ ડિલિવરી માટે એકબીજાને ટક્કર આપતા જોવા મળે છે. જો કે દરેક ફૂડ ડિલિવરી એજન્ટોએ શક્ય તેટલી વહેલી તકે ખોરાક પહોંચાડવાનો હોય છે.
વાયરલ થઈ રહ્યો છે આ વીડિયો
Swiggyએ આપ્યો Zomatoને સાથ
આ રીતે કરી સાયકલ પર સવાર ડિલિવરી બોયની મદદ
પહેલા લોકો પોતાના ઘરમાં ભોજન રાંધતા હતા અને વિકેન્ડ્સ પર બહાર જમવા જતા હતા. હવે લોકો પાસે સમય ઓછો રહે છે. લોકો હવે તેમના ઘરે ખાવાનું ઓર્ડર કરવાનું પસંદ કરે છે. એવામાં માર્કેટમાં ઘણા કોમ્પિટિટર્સમાં પણ ટક્કર જોવા મળે છે. સ્વિગી અને ઝોમેટો પણ ફૂડ ડિલિવરી માટે એકબીજા સાથે સ્પર્ધા કરતા જોવા મળે છે.
ભોજન સમય પર પહોંચાડવાનું પ્રેશર
કોણ વધુ ઓફર કરે છે તે પણ મહત્વનું છે. જો કે, ફૂડ ડિલિવરી એજન્ટોએ શક્ય તેટલી વહેલી તકે ભોજન પહોંચાડવુ પડે છે. મોટાભાગની ડિલિવરી બાઇક દ્વારા કરવામાં આવે છે. જ્યારે કેટલાક એવા પણ છે કે જેઓ સાઇકલ દ્વારા ભોજન પણ પહોંચાડે છે. આવી સ્થિતિમાં એક એવો વીડિયો સામે આવ્યો છે, જે તમારા દિલને સ્પર્શી જશે.
Swiggy વાળાએ Zomato રાઈડરની કરી મદદ
ઓનલાઈન પોસ્ટ કરવામાં આવેલો આ વિડીયો હૃદય સ્પર્શી છે. ક્લિપમાં, એક સ્વિગી રાઇડર ઝોમેટો ડિલિવરી મેનને મદદ કરે છે જે દિલ્હીની આકરી ગરમીમાં સાઇકલ ચલાવી રહ્યો હતો. Zomatoનો ડિલિવરી બોય બાઇક પર હતો જ્યારે સ્વિગીનો ડિલિવરી બોય સાઇકલ પર હતો.
જોવા મળી સાચી મિત્રતા
સ્વિગીના ડિલિવરી બોયે Zomatoનો હાથ પકડી લીધો જેથી તેને તપતી ગરમીમાં સાયકલ ના ચલાવવી પડી. આ વીડિયો ઈન્સ્ટાગ્રામ પર સનહ અરોરા નામના યુઝરે શેર કર્યો છે. વીડિયોની સાથે તેણે લખ્યું, 'દિલ્હીના આ અત્યંત ગરમ અને અસહ્ય દિવસોમાં જોવા મળી સાચી મિત્રતા!' તેણે પોતાની પોસ્ટમાં ફૂડ ડિલિવરી પ્લેટફોર્મ સ્વિગી અને ઝોમેટોને ટેગ કર્યા છે.
લોકોનું દિલ જીતી રહ્યો છે આ વીડિયો
ઈન્સ્ટાગ્રામ પર આ વીડિયો લગભગ 10 લાખ વ્યૂઝ અને હજારો કોમેન્ટ્સ સાથે વાયરલ થયો છે. ઘણા યુઝર્સ પોઝિટિવ વર્તન જોઈને આશ્ચર્યચકિત થયા અને સ્વિગી ડિલિવરી બોયની પ્રશંસા કરી રહ્યા છે. એક યુઝરે લખ્યું, 'ભાઈ-ભાઈ'.
અન્ય એક વ્યક્તિએ લખ્યું, 'જે આજે જોયેલી સૌથી સારી વસ્તુ માનવતા માટે એક થાઓ.' સોશિયલ મીડિયા પર આવા ઘણા વીડિયો છે, પરંતુ આ વીડિયો તેનાથી ઘણો અલગ છે. ઈન્ટરનેટ પર આ વીડિયો જોયા બાદ લોકો તેના ખૂબ વખાણ કરી રહ્યા છે. આ વીડિયોને 4.5 લાખથી વધુ લોકોએ લાઈક કર્યો છે.