World Kidney Day 2023 / પગમાં સોજો, ભૂખ ન લાગવી હોઈ શકે છે કિડની ખરાબ હોવાના સંકેત: આઠ પોઇન્ટ્સમાં સમજો કયા લક્ષણોથી રહેવું સાવચેત 

• 9 માર્ચે વિશ્વ કિડની દિવસ ઉજવવામાં આવે છે
• રાત્રે પેશાબ વધારે આવવો એ કિડની ખરાબ થવાનું ઈન્ડિકેશન છે
• હીમોગ્લોબિન વારંવાર ઓછુ થાય તો આ લક્ષણ કિડની ખરાબ થવાનું છે

કિડની શરીરનું મહત્વનું અંગ છે. તે શરીરમાં બનતા ટોક્સિન્સને બહાર કરવાનું કામ કરે છે. ડોક્ટર્સનું કહેવું છે કે કિડની જે પદાર્થોને ફિલ્ટર કરી બહાર કરે છે, તે બહાર થવાનું બંધ થઈ જાય તો તેનાથી શરીરના અન્ય અંગોને નુકસાન થવાનું જોખમ વધી જાય છે.  9 માર્ચે વિશ્વ કિડની દિવસ ઉજવવામાં આવે છે. 

આ દિવસે કિડનીનું મહત્વ અને તેને કેવી રીતે ફિટ રાખવી તે માટે જાગૃત કરવામાં આવે છે. આપણા બધાના દૈનિક સર્વાઈવલ માટે કિડની ખૂબ જ મહત્વપૂર્ણ છે. આ સ્થિતિમાં એ સમજવું જરૂરી છે કે જ્યારે કિડની બગડવા લાગે છે તો તે કયા લક્ષણો આપે છે. 8 લક્ષણોથી જણાવવાનો પ્રયત્ન કરીશું, જેના દ્વારા કિડની ફિટ છે કે બીમાર તે વિશે સમજી શકાય છે.

આ 8 પોઈન્ટને સમજો

• બ્લડ પ્રેશર, શુગરની સમસ્યા કિડની માટે ગંભીર હોય છે,  સમય પર તપાસ કરાવો
• રાત્રે પેશાબ વધારે આવવો એ કિડની ખરાબ થવાનું એક ઈન્ડિકેશન છે
• યૂરિન કરતા સમયે વધુ ફીણ બની રહ્યા હોય તો પણ તે કિડની ખરાબ થવાનો સંકત છે
• કિડની બોડીમાં બ્લડ બનાવવાનું કામ પણ કરે છે. જો હીમોગ્લોબિન વારંવાર ઓછુ થાય તો આ લક્ષણ જોવા મળે છે.   
• પગમાં સોજા આવી રહ્યો છે. ચહેરા પર ભારેપણું છે. હાથ-પગમાં દુખાવો થતો હોય તો ડોક્ટર પાસે તપાસ કરાવો.
• ભૂખ ન લાગવી, વજન ઓછુ થવું અને વારંવાર ઉલ્ટીની ફરિયાદ થવી કિડની ખરાબ થવાનો સંકેત હોય શકે છે.
• 40 વર્ષની ઉંમર પછી કિડની ખરાબ થવાની શક્યતાઓ વધી જાય છે. આ સમયે શરીરનું નિયમિત ચેકઅપ કરાવવું જરૂરી છે.
• કોઈપણ દુખાવાની દવાઓ વધારે ન લેવી જોઈએ. જે લોકો પેઇનકિલર્સનું વધુ સેવન કરે છે. તેમની કિડની ખરાબ થવાની શક્યતાઓ ઘણી વધારે છે.

Disclaimer: આ લેખમાં બતાવવામાં આવેલી પદ્ધતિઓ અને સૂચન અનુસરતા પહેલા તમારા ડૉક્ટર અથવા સંબંધિત નિષ્ણાતની સલાહ લો