વડોદરામાં સ્વિટી પટેલ હત્યા કેસમાં નવો વળાંક, FSLમાં મોકલવામાં આવેલા 43 પુરાવાઓમાંથી DNA શોધવામાં થઈ રહી છે અડચણ
વડોદરામાં સ્વિટી પટેલની હત્યાનો કેસ
હાડકાંમાંથી DNA શોધવામાં અડચણ
43 ટુકડા તપાસ માટે FSL મોકલાયા
વડોદરામાં ચકચારી ઘટના સ્વિટી પટલેની હત્યા મામલે હાલ લાગેલા પુરાવાઓને ફરી FSLમાં મોકલાયા છે. સ્વિટી પટેલની હત્યા કેસમાં ક્રાઈમબ્રાંચને સળગેવાલા શરીરના 43 ટુકડા સહિત મહત્વના પુરાવાઓ હાથ લાગ્યા હતા, પુરાવાઓને FSL મોકલાયા બાદ હજુ પણ FSLના અંતિમ જવાબ માટે રાહ જોવાઈ રહી છે. અત્યાર સુધી 2 વખત શરીરના હાડકાંને તપાસ માટે FSLમાં મોકલાયા છે પરતું DNA શોધવામાં અડચણ રૂપ થતા અંતિમ જવાબની રાહ જોવાઈ રહી છે FSLના જવાબ બાદ વધુ તપાસ માટે પુરાવાઓને હૈદરાબાદ મોકલવામાં આવશે.
હાડકાંમાંથી DNA શોધવામાં અડચણ
મહત્વનું છે કે વડોદરાની SOGના PI અજય દેસાઈ દ્વારા પોતાની જ પત્નીની હત્યાના કેસ કરવામાં આવી હતી જે બાદ સમગ્ર મામલે સામે આવતા PI અજય દેસાઈની ધરપકડ કરવામાં આવી હતી જેમાં ક્રાઇમ બ્રાન્ચને મહત્વના પુરાવા હાથે લાગ્યા હતા. આ પુરાવાઓમાં મંગળસૂત્ર, બ્રેસલેટ, વીંટી અને સ્વિટી પટેલના દાંત મળી આવ્યા છે. એટલું જ નહીં સ્વિટી પટેલની અસ્થિઓના 43 ટુકડા મળ્યા છે. જે બાદ તેને FSLમાં મોકલી તપાસ કરવામાં આવી રહી છે જો કે અત્યાર સુધી 2 વખત શરીરના હાડકાંને તપાસ માટે FSLમાં મોકલાયા છે પરતું DNA શોધવામાં અડચણ રૂપ થતા અંતિમ જવાબની રાહ જોવાઈ રહી છે.
શું હતો સમગ્ર મામલો ?
5 જૂન 2021ના દિવસે સ્વિટી પટેલ ગુમ થયા હોવાની જાણ થઈ જે બાદ પોલીસે ટેક્નિકલ તપાસના આધારે જાણ્યું કે, PI અજય દેસાઈ અને સ્વિટી પટેલ વચ્ચે ગુમ થવાના એક દિવસ અગાઉ 4 જૂને લગ્ન સંબંધિત ઝઘડો થયો હતો. ઉગ્ર ઝઘડામાં PI અજય દેસાઈએ આવેશમાં આવી સ્વિટી પટેલનું ગળું દબાવી હત્યા કરી હતી. અને સ્વિટી પટેલના મૃતદેહને બાથરૂમમાં છૂપાવી દીધો હતો. એક રાત્રી મૃતદેહને પોતાના ઘરના બાથરૂમમાં છૂપાવી રાખ્યા બાદ બીજા દિવસની સવારે 11 કલાકે PI અજય દેસાઈએ પોતાની બ્લેક જીપનો ઉપયોગ કર્યો હતો. જીપને ઘરના ગેટ સુધી રિવર્સ લઈ મૃતદેહને બ્લેન્કેટમાં કવર કર્યા બાદ જીપની ડેકીમાં મૂકી દીધી હતી. આ બાદ ગાડીને બાજુના મકાનના કમ્પાઉન્ડમાં રાખી પોતાના સાળા જયદીપને કહ્યું કે, તેમના બહેન સ્વિટી પટેલ ગુમ થઈ ગયા છે. બાદમાં સ્વિટી પટેલના મૃતદેહને સળગાવી દેવામાં આવ્યો હતો જેના પુરાવાઓ મેળવી FSLમાં મોકલી આપવામાં આવ્યા હતા. જો કે પુરાવાઓના આધારે DNA શોધવામાં અડચણ રૂપ થતા હવે FSLના અંમિત જવાની રાહ જોવાઈ રહી છે.