સ્વિટી પટેલ ગાયબ થવાના કેસમાં મોટો વળાંક આવ્યો છે, પતિ PI અજય દેસાઈનો આજે નાર્કો ટેસ્ટ થવાનો હતો, પરંતુ પોતાની માનસિક-શારીરિક સ્થિતિ સારી ન હોવાની રજૂઆત કરતા ટેસ્ટ થશે નહીં
સ્વીટી પટેલ ગૂમ થવાના કેસમાં તપાસ
PI અજય દેસાઈનો નાર્કો ટેસ્ટ થશે નહીં
માનસિક-શારીરિક સ્થિતિ સારી ન હોવાનું આપ્યું કારણ
વડોદરાના એસઓજી પીઆઈની પત્ની સ્વીટીના ગુમ થવાના કેસની તપાસ હવે અમદાવાદ ક્રાઇમ બ્રાંચ કરી રહી છે. આ કેસમાં આજે નવો વળાંક આવ્યો છે. પીઆઇ દેસાઇએ તેની માનસિક અને શારીરિક સ્થિતિ સારી ન હોવાથી નાર્કો ટેસ્ટ આપવા માટે સક્ષમ ન હોવાની વાત અમદાવાદ ક્રાઇમ બ્રાંચ સમક્ષ કરી છે. જેથી હવે પીઆઇ દેસાઇનો નાર્કો ટેસ્ટ નહીં થાય, પોલીસ હવે DNA ટેસ્ટની રિપોર્ટની રાહ જોઇ રહી છે.
ગૃહમંત્રીએ વડોદરા ખાતે કેસની તપાસ અમદાવાદ ક્રાઈમ બ્રાંચ અને ATSને સોંપી
વડોદરામાં SOGના PI એ.એ. દેસાઈની પત્ની સ્વિટી મહેન્દ્ર પટેલ 47 દિવસથી રહસ્યમય રીતે ગુમ થતાં સર્ચ ઓપરેશન શરૂ કરાયું છે. હવે આ કેસની તપાસ અમદાવાદ સિટી ક્રાઈમબ્રાંચ અને ATS કરી રહી છે. આ અંગે ગૃહ રાજ્યમંત્રી પ્રદીપસિંહ જાડેજાએ વડોદરામાં નિવેદન કર્યુ હતું. તેમણે જણાવ્યુ હતું કે, કેસની તપાસ ક્રાઈમબ્રાંચ અને ATSને સોંપાઈ છે. તેમજ જરૂર હતા એ લોકોના નાર્કો ટેસ્ટ, ફોરેન્સિક ટેસ્ટ થયા છે. માનવ કંકાલ મળ્યાં તે સ્થળની FSL તપાસ પણ કરી છે. શંકાસ્પદ લોકોની પૂછપરછ પોલીસ કરી રહી છે.
સ્વિટી પટેલ ગુમ થવાના કેસમાં નવા સમાચાર સામે આવ્યા છે. જેમાં ક્રિકેટર હાર્દિક પંડ્યાના ફઈબાના દિકરા અને સ્વિટી પટેલના પૂર્વ પતિની પૂછપરછ કરાઈ હતી. તે હાલ ઓસ્ટ્રેલિયા હોવાથી પોલીસે ઓનલાઈન પૂછપરછ કરવી પડી હતી. પૂર્વ પતિની સાથે સ્વિટી પટેલના 17 વર્ષિય પુત્રની પણ પોલીસે પૂછપરછ કરી હતી. જેમાં એક માહિતી પાસપોર્ટને લઈ સામે આવી છે કે, સ્વિટી પટેલનો પાસપોર્ટ રિન્યૂ થયો નથી. જેથી તે વિદેશમાં હોવાની સંભાવનાને નકારી રહી છે.
સ્વિટી પટેલના પતિના મિત્ર અને કોંગ્રેસ નેતાની પૂછપરછ
વડોદરામાં PI અજય દેસાઈની પત્ની ગૂમ થવાના મુદ્દે પૂછપરછ થઈ રહી છે. જેમાં આ વખતે પોલીસે સ્વિટી પટેલના PI પતિના મિત્ર અને કોંગ્રેસના નેતા કિરીટસિંહની પૂછપરછ કરી હતી. કિરીટસિંહ કરજણની પેટાચૂંટણીમાં કોંગ્રેસના ઉમેદવાર હતા. PIના ગાઢ સંપર્કવાળા મિત્રોની પૂછપરછ શરૂ થઈ હતી. જેના માટે પોલીસે ગાઢ સંપર્કવાળા મિત્રોની યાદી તૈયાર કરી છે.
શા માટે કોંગ્રેસ નેતાની પોલીસે કરી પૂછપરછ
કરજણના કોંગ્રેસી નેતા કિરીટસિંહ જાડેજા અને સ્વિટી પટેલના પતિ PI દેસાઈ વચ્ચે સારી મિત્રતા હોવાની સૂત્રોકીય માહિતી હતી. અને થોડા દિવસ પહેલા પોલીસને અટાલી નજીક જે ઈમારત પાછળ બળેલા હાડકા મળ્યા હતા. તે જમીનના દસ્તાવેજની પણ પોલીસે તપાસ હાથ ધરી હતી. આ મામલે સૂત્રોએ માહિતી જણાવી કે, તેમાં 15 જેટલા ભાગીદારો છે. અને કિરીટસિંહ પણ એક ભાગીદાર છે. 10 વર્ષ અગાઉ આ જમીન પર હોટલનું બાંધકામ શરૂ કરાયું હતું. જે પૂરું થઈ શક્યું નહોતું.
અગાઉ વોટ્સઅપ ચેટ મળી હતી
અગાઉ LCBને મોબાઈલ ચેટના કેટલાક પુરાવા મળ્યા હતા. જેમાં સ્વિટી પટેલ અને અજય દેસાઈ વચ્ચે ઝઘડો થયો હોવાનું સામે આવ્યું હતું. સ્વિટી પટેલની વોટસએપ ચેટ પોલીસને મળી તેમાં સ્વિટી પટેલ પોતાના પતિ અજય દેસાઈ કહી રહી છે કે, તે ઘર છોડીને જતી રહેશે. હું મરી જઈશ તેવી ચેટ પણ પોલીસને મળી આવી હતી.
સ્વિટી પટેલના પતિ PI અજય દેસાઈ પર થશે કાર્યવાહી?
સ્વિટી પટેલ છેલ્લા 47 દિવસથી રહસ્યમય રીતે ગુમ છે
વડોદરા જિલ્લાના સ્પેશિયલ ઓપરેશન ગ્રૂપમાં PI એ.એ.દેસાઈની પત્ની છે સ્વીટી પટેલ
છેલ્લા 47 દિવસથી રહસ્યમય રીતે ગુમ થતાં સર્ચ ઓપરેશન શરૂ કરાયું હતું
હાડકા યુવાન વય અને મધ્યમ ઉંમરની વ્યક્તિનાં હોવાનું તારણ
પોલીસે PI દેસાઇ તથા 2 વર્ષની દીકરીના સેમ્પલ લઇને FSL મોકલ્યા
પોલીસે DNAએ ટેસ્ટ કરાવ્યો, હવે રિપોર્ટની જોવાઈ રહી છે રાહ
PI દેસાઇનું મોબાઇલ લોકેશન પણ અટાલી ગામ આસપાસ મળ્યું હતું
PI અને પત્ની સ્વીટીની વોટ્સએપ ચેટ પોલીસના હાથ લાગી
વોટ્સએપ ચેટમાં સ્વીટી PIને કહે છે કે, હું જતી રહીશ, મરી જઇશ
દહેજના અટાલી ગામની એક ઈમારત પાસેથી મળ્યા કેટલાક અવશેષ
મહત્વનું છે કે, વડોદરાના PI અજય દેસાઈના પત્ની ગુમ થવાના મામલે પોલીસને શંકાસ્પદ માનવ અવશેષ મળ્યા હતા. એક પોલીસકર્મીના પત્ની સ્વિટી પટેલ છેલ્લા ઘણા સમયથી ગુમ છે. જેને લઈ રાતદિવસ પોલીસ તપાસનો ધમધમાટ શરૂ કર્યો છે. દહેજના અટાલી ગામ પાસે અવાવરૂ જગ્યાએથી આ માનવ અવશેષ મળ્યા છે. બિલ્ડિંગ પાછળથી મળી આવ્યા છે શંકાસ્પદ અવશેષ તપાસ માટે એફએસએલમાં મોકલાયા છે. મળેલ અવશેષોનો DNA ટેસ્ટ પણ કરવામાં આવશે. અવશેષ સ્વિટી પટેલના હોવાનું પોલીસ અનુમાન લગાવી રહી છે. જો કે, FLS અને ડીએનએ રિપોર્ટ બાદ જ સત્ય હકીકત સામે આવશે.