પ્યાર દિવાના હોતા હૈ! / ફેસબુકને બના દી જોડી: સાત સમુંદર પાર સ્વીડનની છોકરી આવી ભારત, ધામધૂમથી કર્યા લગ્ન

• સ્વીડિશ મહિલાએ ઉત્તર પ્રદેશના છોકરા સાથે કર્યા લગ્ન
• સ્વીડિશ મહિલા 27 જાન્યુઆરી પવન કુમાર સાથે લગ્ન કરવા માટે ભારત આવી
• આ કપલના લગ્નની તસવીરો સોશ્યલ મીડિયા પર ખૂબ વાયરલ થઈ રહી છે

લોકો કહે છે કે પ્રેમની કોઈ સીમા કે મર્યાદા નથી હોતી અને આ વાતનું જીવતું જાગતું ઉદાહરણ હાલ ઉત્તર પ્રદેશ સ્થિત એટામાં જોવા મળ્યું. જ્યાં એક સ્વીડિશ મહિલાએ એટામાં રહેતા છોકરા સાથે લગ્ન કર્યા હતા. હાલ આ સમાચાર પણ ઘણા લોકોના દિલને સ્પર્શી રહ્યા છે અને લોકો એ બંનેને કહાની જાણવા મમાટે ઉત્સુક છે. 

જણાવી દઈએ કે ક્રિસ્ટન લિબર્ટ શુક્રવારે એટલે કે 27 જાન્યુઆરી એટાના રહેવાસી પવન કુમાર સાથે લગ્ન કરવા માટે ભારત આવી હતી. એ બાદ તેને એટાની એક શાળામાં હિંદુ ધાર્મિક વિધિઓ અનુસાર લગ્ન કર્યા હતા. અંહિયા મહત્વનું એ છે કે સોશ્યલ મીડિયા પ્લેટફોર્મ ફેસબુક પર મળી હતી. 

વર્ષ 2012 માં ફેસબુક પર મુલાકાત 
હાલ આ કપલના લગ્નની તસવીરો સોશ્યલ મીડિયા પર ખૂબ વાયરલ થઈ રહી છે, આ સાથે જ મીડિયામાં શેર કરવામાં આવેલ લગ્ન સમારોહનો એક વિડિયોમાં જોવા મળ્યું કે ક્રિસ્ટન લીબર્ટ ભારતીય લગ્ન પરંપરા મુજબ કપડાં પહેરીને વર પવન કુમારના ગળામાં વરમાળા પહેરાવે છે. જણાવી દઈએ કે ક્રિસ્ટન લિબર્ટ વર્ષ 2012માં પવન કુમારને ફેસબુક પર મળ્યા હતા. દહેરાદૂનના બીટેક પવન કુમાર એક ફર્મમાં એન્જિનિયર તરીકે કામ કરે છે.

उत्तर प्रदेश: स्वीडन की युवती को फेसबुक पर भारतीय युवक से प्यार हुआ, भारत पहुंचकर युवती ने युवक से विवाह किया।

क्रिस्टन लिबर्ट ने कहा, "मैं भारत इससे पहले भी आई हूं, मुझे भारत बेहद पसंद है और मैं इस शादी से बेहद खुश हूं।" (28.01) pic.twitter.com/eaw8UWnO1s

— ANI_HindiNews (@AHindinews) January 28, 2023

ક્રિસ્ટન લગ્નમાં છે ખૂબ જ ખુશ 
આ સાથે જ જણાવી દઈએ કે પવન કુમારના પરિવારને આ લગ્ન સામે કોઈ વાંધો નથી. પવનના પિતા ગીતમ સિંહે કહ્યું કે બાળકોની ખુશીમાં તેમની ખુશી સમાયેલી છે અને 'અમે આ લગ્ન સાથે સંપૂર્ણપણે સંમત છીએ'. સાથે જ્યારે ક્રિસ્ટન લિબર્ટને લગ્ન વિશે પૂછવામાં આવ્યું તો તેણે કહ્યું કે તે અગાઉ પણ ભારત આવી ચૂકી છે. તેને ભારત ખૂબ ગમે છે અને તે આ લગ્નથી ખૂબ જ ખુશ છે.

આવો પહેલો કિસ્સો નથી 
જણાવી દઈએ કે એક અઠવાડિયા પહેલા એક પાકિસ્તાની મહિલાને ગેમિંગ એપ - લુડો પર મળેલી વ્યક્તિ સાથે લગ્ન કરવા માટે કાયદેસર રીતે ભારતમાં પ્રવેશ્યા બાદ તેની ધરપકડ કરવામાં આવી હતી. રિપોર્ટ અનુસાર યુવતી મુલાયમ સિંહ યાદવને મળવા પાકિસ્તાનના હૈદરાબાદથી કર્ણાટક ગઈ હતી અને આ સંદર્ભમાં કર્ણાટક પોલીસે જણાવ્યું કે યુવતી નેપાળ બોર્ડર દ્વારા માન્ય દસ્તાવેજો વિના ભારતમાં પ્રવેશી હતી.