ચેતીજો! / આ સીઝનમાં શારીરિક પ્રવૃતિ કર્યા વગર પરસેવો આવે તો ધ્યાન રાખો

• દરેક વ્યક્તિના શરીરની સંરચના અને પ્રકૃતિ અલગ હોય છે
• થાઇરોઇડની બિમારી હોય તો ટીએસએચ લેવલ વધવાથી પરસેવો થાય
• કારણ વગર પરસેવો થાય તો તાત્કાલિક ડોક્ટરની સલાહ લો

પરસેવો આવવો શરીરની મહત્ત્વની પ્રક્રિયા છે. શરીરના તાપાનમાં સંતુલન જાળવી રાખવાનુ કામ પરસેવો કરે છે. સામાન્ય રીતે શરીરનું તાપમાન 36.8થી 37.2 ડિગ્રી સેન્ટીગ્રેડ અથવા 98થી 98.8 ડિગ્રી ફેરેનહીટ હોવું જોઇએ. આ સ્તરમાં થોડો ચઢાવ ઉતાર આવવો સામાન્ય છે, પરંતુ જો આ સ્તર વધુ ઉપર નીચે થઇ જાય તો સતર્કતા રાખવી જોઇએ. ઠંડીની સીઝનમાં કેટલાક મુખ્ય કારણોથી પરસેવો થાય છે. જેમકે એક્સર્સાઇઝ કરવા દરમિયાન અંદરના અંગોનુ તાપમાન વધી જાય છે અને તેને કન્ટ્રોલ કરવાથી પરસેવો આવે છે.

બેચેની, ગભરામણ, ચોંકી જવુ, તણાવ, કોઇ પ્રકારનો ડર કે એકદમથી બ્લડ પ્રેશરનુ સ્તર અસામાન્ય થવાથી લોહીની નળીઓમાં રક્તસંચાર તેજ થઇ જાય છે, જે પરસેવાના રુપમાં દેખાય છે. આ ઉપરાંત થાઇરોઇડની બિમારી હોય તો ટીએસએચ લેવલ વધવાથી પરસેવો થાય છે.

શરીરની ભિન્ન પ્રકૃતિ

એવુ જરુરી નથી કે ઠંડીની સીઝનમા કોઇને પરસેવો ન જ થાય. દરેક વ્યક્તિના શરીરની સંરચના અને પ્રકૃતિ અલગ હોય છે. તેમના વ્યવસાય, ઉંમર, મગજની કાર્યક્ષમતા, ભાવનાત્મક અને કાર્મિક સ્તરમાં અંતર હોય છે. આવા સંજોગોમા કેટલાક લોકોના શરીરનું તાપમાન વધુ કે ઓછુ થઇ શકે છે. શક્ય છે કે ઠંડીની સીઝનમાં કોઇને જરુર કરતા વધુ પરસેવો થાય. શરીરનુ તાપમાન 100-101 ડિગ્રી ફેરેનહીટ કે તેનાથી વધુ રહે તો સતર્ક થઇ જાવ.

તાત્કાલિક આ કામ ન કરો

તાપમાન વધે તો એકદમ ઠંડા પાણીના બદલે નોર્મલ પાણીમાં કપડું પલાળીને સ્પંજીંગ કરો, શરીરનુ તાપમાન ઘટે અથવા શરીર એકદમ ઠંડુ પડી જાય તો ગરમ પાણીમાં ભીની કરેલી પટ્ટીને શરીર પર રાખો. આ ઉપરાંત રૂમમાં હીટર પણ ચાલુ કરી શકો છો કે કંબલ ઓઢી શકો છો. આ સ્થિતિમા સુધારો ન થાય તો સેકન્ડ ઓપિનિયન લો. કારણ વગર પરસેવો થાય તો તાત્કાલિક ડોક્ટરની સલાહ લો.