રાજ્યમાં કાળઝાળ ગરમી જોવા મળી રહી છે. ત્યારે હવામાન વિભાગે દક્ષિણ ગુજરાત પર સાઇક્લોનિક સર્ક્યુલેશનની અસર જોવા મળશે તેવી આગાહી કરી છે. તો સોરાષ્ટ્ર અને ઉત્તર ગુજરાતમાં વરસાદની આગાહી કરી છે.
જેમાં બનાસકાંઠા, સાબરકાંઠા, રાજકોટ અને કચ્છમાં વરસાદની આગાહી કરવામાં આવી છે. મળતી માહિતી મુજબ સાયક્લોનિક સર્ક્યુલેશનની અસરથી વાતાવરણમાં પલટાની શક્યતા સેવાઈ રહી છે.
સાવરકુંડલામાં પવન સાથે વરસાદી ઝાપટું
અમરેલીના સાવરકુંડલાના વાતાવરણમાં અચાનક પલટો આવ્યો છે. સાવરકુંડલામાં પવન સાથે વરસાદી ઝાપટું પડ્યું છે. બાંઢડાથી જાબાળ સુધીના વિસ્તારમાં પવન સાથે વરસાદી ઝાપટુ પડ્યું. જેને લઈને વાતાવરણમાં ઠંડક પ્રસરતા લોકોને ગરમીથી રાહત મળી છે.
સાબરકાંઠાઃ ભારે પવન સાથે વરસાદી છાંટા
સાબરકાંઠાના પોશીના વિસ્તારમાં પણ વાતાવરણમાં પલટો આવ્યો છે. વાદળછાયા વાતાવરણ, ભારે પવન સાથે વરસાદી છાંટા પડ્યા છે. જોકે વાતાવરણમાં ઠંડક પ્રસરતા લોકોને ગરમીથી રાહત મળી છે.